MNP ၊ ဒီဇင်ဘာ ၁၄
ဧရာဝတီတိုင်းဒေသကြီး၊ ပုသိမ်မြို့တွင် စည်းကမ်းမဲ့အမှိုက်စွန့်ပစ်မှုမရှိစေရေး အသိပညာပေး Campaign ကို ယမန်နေ့ နံနက်ပိုင်းက ပုသိမ်မြို့အဝင် ကိုးဆူတိုးဂိတ်နှင့်ချောင်းသာ-ငွေဆောင်လမ်းဆုံ တံတား အမှတ် (၁) အနီးတို့တွင် ဆောင်ရွက်ခဲ့သည်။
ပုသိမ်မြို့နယ် စီမံအုပ်ချုပ်ရေးအဖွဲ့၏ စီစဉ်ကြီးကြပ်မှုဖြင့် မြို့နယ်စည်ပင်သာယာရေးအဖွဲ့နှင့် ဌာနဆိုင်ရာ များစုပေါင်း၍ ပုသိမ်မြို့အဝင် ကိုးဆူတိုးဂိတ်နှင့် ချောင်းသာ-ငွေဆောင်လမ်းဆုံ တံတားအမှတ်(၁) အနီးတို့ တွင် စည်းကမ်းမဲ့အမှိုက်စွန့်ပစ်မှုမရှိစေရေး အသိပညာပေး Campaign ပြုလုပ်ခြင်း၊ လမ်းဘေး ဈေးဆိုင် များတွင် အမှိုက်ပုံးများစနစ်တကျထားရှိ စွန့်ပစ်စေရေးကြပ်မတ်ခြင်း၊ မော်တော်ယာဉ်များပေါ်မှ စည်းကမ်းမဲ့ အမှိုက်စွန့်ပစ်မှုမရှိစေရေး အသိပညာ ပေးခြင်း၊ စုပေါင်းအမှိုက်ကောက်ခြင်းတို့အား ဆောင်ရွက်ခဲ့ကြောင်း သိရသည်။
မြင့်ဟန်
https://t.me/MyanmarNationalPost
No comments:
Post a Comment