MNP ၊ ဒီဇင်ဘာလ ၁၄
ရခိုင်ပြည်နယ်၊ ဂွမြို့Community Centreခန်းမတွင် အားကစားနှင့်လူငယ်ရေးရာ အသိပညာပေး(Talk Show)ကို မြို့နယ် အားကစားနှင့်ကာယပညာဦးစီးဌာနနှင့် ပူးပေါင်း၍ ကျင်းပပြုလုပ်ခဲ့သည်။
အဆိုပါTalk Showတွင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ရွှေရည်ဝင်းကျော်က အားကစားနှင့်လူငယ်ရေးရာနှင့် ပတ်သက်၍ မြို့နယ်အတွင်းလှုပ်ရှားဆောင်ရွက်မှုများကို မေးမြန်းဆွေးနွေးခဲ့ရာ မြို့နယ်အားကစားနှင့်ကာယပညာဦးစီးဌာနမှ ဦးစီးအရာရှိ ဦးကျော်မင်းလွင်က အားကစားနှင့် လူငယ်ရေးရာဝန်ကြီးဌာနသို့ပေးအပ်ထားသည့် တာဝန်များ၊ ရည်ရွယ်ချက်များ၊ ၂၀၂၃-ခုနှစ်အတွင်း ဆောင်ရွက်ခဲ့သည့် မြို့နယ်အတွင်းလှုပ်ရှားဆောင်ရွက်ခဲ့သည့် အားကစားလှုပ်ရှားမှုများကို ပြန်လည်ဆွေးနွေးပေးခဲ့ကြောင်းသိရသည်။
ဂွမြို့နယ်အနေဖြင့် လူငယ်ရေးရာ အသိပညာပေးလုပ်ငန်းများနှင့် ပြည်သူများအတွက်ဗဟုသုတဖြစ်ဖွယ်အကြောင်းအရာများကို သက်ဆိုင်ရာ ဌာနဆိုင်ရာများနှင့်ပူးပေါင်း၍ လစဉ် Talk Showများကို Onlineမှတစ်ဆင့် ထုတ်လွှင့်တင်ဆက်ပေးလျက်ရှိကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment