MNP ၊ ဒီဇင်ဘာ ၁၁
ရှမ်းပြည်နယ်တောင်ပိုင်း၊ နမ့်စန်ခရိုင်၊ နမ့်စန်မြို့နယ်တွင် ‘ကမ်းလက်မေတ္တာ’ လူမှုဖွံ့ဖြိုးရေးအဖွဲ့က ဆောင်ရွက်သည့် ကလေးသူငယ်အခွင့်အရေးဆိုင်ရာနှင့် ကျား/မအခြေပြု အကြမ်းဖက်မှုဆိုင်ရာဆွေးနွေးပွဲကို ယမန်နေ့နံနက် ၁၀ နာရီက ပြန်ကြားရေးနှင့်ပြည်သူ့ဆက်ဆံရေးဦးစီးဌာနရှိ လူထုအခြေပြုဗဟိုဌာန(Community Centre)တွင် ဆောင်ရွက်ခဲ့ကြောင်း သိရသည်။
အဆိုပါသင်တန်းဆွေးနွေးပွဲတွင် ကမ်းလက်မေတ္တာလူမှုဖွံ့ဖြိုးရေးအဖွဲ့မှ မြို့နယ်တာဝန်ခံ ဒေါ်ဇင်မာဝင်းအောင်နှင့် ဒေါ်မျိုးချိုတို့က ကလေးသူငယ်အခွင့်အရေးဆိုင်ရာများ၊ တာဝန်ယူမှု၊ တာဝန်ခံမှု၊ ကိုယ်စားပြုမှုနှင့် ကျား/မအခြေပြုအကြမ်းဖက်မှုဆိုင်ရာ သိကောင်းစရာများကို ဆွေးနွေးပို့ချခဲ့ကြောင်း သိရသည်။
အဆိုပါဆွေးနွေးပွဲကို အမျိုးသမီးများနှင့် ကလေးငယ်များ ကလေးသူငယ်အခွင့်အရေးဆိုင်ရာ အသိပညာဗဟုသုတများရရှိစေရန် ရည်ရွယ်၍ ဆောင်ရွက်ခြင်းဖြစ်ပြီး ရပ်ကွက်နှင့် ကျေးရွာများမှ စိတ်ပါဝင်စားသူ အမျိုးသား၊ အမျိုးသမီးနှင့် ကလေးသူငယ်များ၊ စုစုပေါင်း ၄၃ ဦး တက်ရောက်ခဲ့ကြောင်း သိရသည်။
သူရအောင်(နမ့်စန်)
https://t.me/MyanmarNationalPost
No comments:
Post a Comment