MNP ၊ ဒီဇင်ဘာ ၁၀
ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်အတွင်းရှိ အခြေခံပညာကျောင်းများရှိ (Grade-5) ဘာသာရပ်သင် ဆရာ၊ ဆရာမများ သင်ကြားရေးဆိုင်ရာလုပ်ငန်းများ ပိုမိုအဆင်ပြေချောမွေ့စွာ သင်ကြားပြသနိုင်ရေးအတွက် မြို့နယ်ပညာရေးဌာနက ဦးဆောင်ကျင်းပ သည့် မြို့နယ်အဆင့် (Grade-5) ဘာသာရပ်မေးခွန်းဆိုင်ရာ ဆွေးနွေးပွဲအခမ်းအနားကို ယနေ့နံနက် (၁၀)နာရီအချိန်က အမှတ်(၁) အခြေခံပညာအထက်တန်းကျောင်းရှိ ကရဝိက်ခန်းမ၌ ကျင်းပပြုလုပ်ခဲ့ကြောင်း သိရသည်။
အဆိုပါဆွေးနွေးပွဲတွင် မြို့နယ်ပညာရေးမှူးကိုယ်စား ဒုတိယမြို့နယ်ပညာရေးမှူး ဒေါ်မြင့်မြင့်ခိုင်က အဖွင့်အမှာစကားပြောကြားခဲ့ပြီး လက်ထောက်မြို့နယ်ပညာရေးမှူး ဦးကျော်ထူးက ရည်ရွယ်ချက်နှင့် သင်တန်းစည်းကမ်းချက်များကို ဆွေးနွေးဟောပြောခဲ့သည်။ ဆက်လက်၍ သင်တန်းနည်းပြဆရာ၊ ဆရာမ (၅)ဦးက (Grade-5) ဘာသာရပ်များဖြစ်သည့် မြန်မာစာ၊ အင်္ဂလိပ်စာ၊ သင်္ချာ၊ သိပ္ပံ၊ လူမှုရေးစသည့် ဘာသာရပ် မေးခွန်းဆိုင်ရာ အချက်အလက်များကို ဆွေးနွေးပို့ချပေးလျက်ရှိကြောင်း သိရသည်။
အဆိုပါဆွေးနွေးပွဲသို့ မြို့နယ်အတွင်းရှိ အခြေခံပညာကျောင်း (၂၁၉)ကျောင်းရှိ ဘာသာရပ် သင်ဆရာ၊ ဆရာမ စုစုပေါင်း (၄၂၈)ဦး တက်ရောက်လေ့လာလျက်ရှိကြောင်း သိရသည်။
အေဇာလင်း
https://t.me/MyanmarNationalPost
No comments:
Post a Comment