MNP ၊ဇန်နဝါရီ ၁
မြင်းခြံခရိုင်၊ နွားထိုးကြီးမြို့တွင် ပြန်ကြားရေးနှင့်ပြည်သူ့ဆက်ရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်း၍ (၇၆)နှစ်မြောက်လွတ်လပ်ရေးနေ့အကြို လူငယ်ရေးရာအသိပညာပေး ဟောပြောပွဲကို ယနေ့နံနက် ၉ နာရီအချိန်က အမှတ်(၄)အခြေခံပညာမူလတန်းကျောင်းတွင် ကျင်းပခဲ့သည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူး ဒေါ်နှင်းနုအေးက ကျောင်းသား၊ ကျောင်းသူ လူငယ်များအနေဖြင့် ရည်မှန်း ချက် ကိုယ်စီရှိရေး၊ ယဉ်ကျေးသိမ်မွေ့သော လူငယ်များ ဖြစ်လာစေရေး၊ နိုင်ငံနှင့်လူမျိုးကို ချစ်မြတ်နိုးစေရေး၊ အချိန်ကို စီမံခန့်ခွဲတက်သူ များဖြစ်စေရေး၊ စာဖက်ခြင်းဖြင့် အသိပညာမြင့်မားပြီး ဗလငါးတန်ဖွံ့ဖြိုးကာ လူငယ်တို့၏ အနာဂတ် ဘဝပိုမိုမြင့်မား လာရေး၊ အကျင့် စာရိတ္တ ကောင်းမွန်ပြီး လူပတ်ဝန်းကျင်နှင့် လိုက်လျောညီထွေ နေတတ်သည့် လူငယ်များဖြစ်လာစေရေး စသည့်လူငယ်များ ဘက်စုံဖွံ့ဖြိုးရေးဆိုင်ရာများကို ဆွေးနွေး ဟောပြောခဲ့ သည်။
အဆိုပါ လူငယ်ရေးရာရာအသိပညာပေးဟောပြောပွဲသို့ တက်ရောလာသော ကျောင်းသား၊ ကျောင်းသူများက ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ခင်းကျင်းပြသထားသော စာအုပ်ပြပွဲကို စိတ်ပါဝင်စားစွာကြည့်ရှုခဲ့ကြောင်း သိရသည်။
သန်းအောင်ဇော်
https://t.me/MyanmarNationalPost
No comments:
Post a Comment