MNP ၊ ဇန်နဝါရီ ၂၅
မွန်ပြည်နယ်၊ပေါင်မြို့နယ်၌ ၂၀၂၃ -၂၀၂၄ ပညာသင်နှစ် မြို့နယ်အဆင့်ပညာ
ရေးစုံညီပွဲတော် နှင့် ဘက်စုံပညာရည်ချွန်ဆုချီးမြှင့်ပွဲအခမ်းအနားကို ယနေ့ နံနက် (၉း၃၀) နာရီတွင် ပေါင်မြို့နယ်အခြေခံပညာအထက်တန်းကျောင်း ရွှေရတုခန်းမ၌ကျင်းပခဲ့သည်။
ရှေးဦးစွာ ( အထက) ပေါင်အထက် တန်းကျောင်းမှကျောင်းသား၊ကျောင်းသူများက ကြိုဆိုပါသည်စုံညီပွဲတော် သီချင်းအား သီဆို ဖျော်ဖြေ၍အခမ်းအနားကိုဖွင့်လှစ်ပေးပြီး မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးထင်လင်းအောင် ကအဖွင့် အမှာစကားပြောကြားပြီးမြို့နယ်ပညာရေးမှူးဒေါ်စန်းစန်းအေးက မြို့နယ်အဆင့်ပညာရေး စုံညီပွဲတော်နှင့်ဘက်စုံပညာရည်ချွန် ဆုချီးမြှင့်ပွဲအခမ်းအနားကျင်းပရခြင်းရည်ရွယ်အားရှင်းလင်းပြောကြားခဲ့သည်။
ထို့နောက်၂၀၂၂-၂၀၂၃ ပညာသင်နှစ် တက္ကသိုလ်ဝင်တန်း စာမေးပွဲတွင် ဂုဏ်ထူးဖြင့် အောင်မြင်ခဲ့သူများ၊ ပြည်နယ်၊ခရိုင်၊မြို့နယ်အဆင့် ဘက်စုံ စွမ်းရည်ပြိုင်ပွဲများတွင်ထူးချွန်သူများအား မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးထင်လင်းအောင်၊မြို့နယ်ပညာရေးမှူး ဒေါ်စန်းစန်းအေး နှင့်တာဝန်ရှိသူများကဆုများအသီးသီးချီးမြှင့်ပေးအပ်ခဲ့ ကြောင်းသိရသည်။
မွန်မလေး
https://t.me/MyanmarNationalPost
No comments:
Post a Comment