MNP ၊ ဖေဖော်ဝါရီ ၂၄
မကွေးတိုင်းဒေသကြီး၊ ချောက်ခရိုင်၊ ချောက်မြို့၌ မီးဘေးလုံခြုံရေး ဟောပြောခြင်းနှင့် မီးငြှိမ်းသတ်ရေး လက်တွေ့သရုပ်ပြသခြင်းကို ယမန်နေ့ နံနက် ၉ နာရီအချိန်က မြို့နယ်မော်တော်ယာဥ် လိုင်းပေါင်းစုံစခန်းတွင် ဆောင်ရွက်ခဲ့ကြောင်း သိရသည်။
အဆိုပါ မီးဘေးလုံခြုံရေး ဟောပြောခြင်းနှင့် မီးငြှိမ်းသတ်ရေး လက်တွေ့သရုပ်ပြသခြင်းကို မြို့နယ်မီးသတ်ဦးစီးအရာရှိ ဦးသိန်းဇော်ဝင်း ဦးဆောင်သော မြို့နယ်မီးသတ်တပ်ဖွဲ့ဝင်များကမြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးသိန်းဌေးနှင့် ပူးပေါင်းဆောင်ရွက်ခဲ့ခြင်းဖြစ်သည်။ မြို့နယ်မော်တော်ယာဥ်လိုင်းပေါင်းစုံ စခန်းရှိ ယာဥ်မောင်းများ၊ ယာဥ်နောက်လိုက်များ၊ ဂိတ်မှူး/ဂိတ်တာဝန်ခံများ၊ ယာဥ်ကြီးကြပ်ရေးကော်မတီအဖွဲ့များအား မြို့နယ်မီးသတ်ဦးစီးဌာနမှ မီးဘေးလုံခြုံရေး အတွက် လိုက်နာရမည့် အချက်များ၊ ဆောင်ရန်၊ ရှောင်ရန် အချက်များအား အသိပညာပေး ဟောပြောခြင်း၊ လက်တွေ့မီးငြှိမ်းသတ်နည်းများကို သရုပ်ပြ ငြှိမ်းသတ်ပေးခြင်း၊ မော်တော်ယာဥ်များပေါ်တွင် မီးသတ်ဆေးဘူး ထားရှိရေး၊ မော်တော်ယာဥ်ဂိတ် အသီးသီးတွင်လည်း မီးသတ်ဆေးဘူး ထားရှိရေး၊ အရေးပေါ် မီးသတ်ယာဥ် အဝင်၊အထွက် သွားလာနိုင်ရေးအတွက် ယာဥ်ရပ်နားမှုများအား စနစ်ကျမှု ရှိစေရေး အကြံပေးခြင်း၊ စစ်ဆေးခြင်းများ ဆောင်ရွက်ခဲ့ကြောင်း သိရသည်။
ကျော်မိုး
https://t.me/MyanmarNationalPost
No comments:
Post a Comment