ပခုက္ကူ မတ် ၂၇
မကွေးတိုင်းဒေသကြီး ပခုက္ကူမြို့ အထွေထွေရောဂါကုပြည်သူ့ဆေးရုံကြီးအထောက်အကူပြုကော်မတီ၏ လုပ်ငန်းညှိနှိုင်းအစည်းအဝေးကို ယမန်နေ့ မွန်းလွဲ ၁နာရီအချိန်က အဆိုပါဆေးရုံကြီးရှိ အစည်းအဝေးခန်းမတွင် ကျင်းပပြုလုပ်သည်။
ရှေးဦးစွာ ပခုက္ကူခရိုင် ပြည်သူ့ဆေးရုံကြီး အထောက်အကူပြုကော်မတီဥက္ကဋ္ဌ ဦးနေမျိုးအောင်က အဖွင့်အမှာစကားပြောကြားပြီး အတွင်းရေးမှူး ဆေးရုံအုပ်ကြီး ဒေါက်တာဝေဝေဦးက ဆေးရုံကြီးရှိ လူနာများနှင့် လူနာစောင့်များအတွက် လုပ်ငန်းပုံမှန်လည်ပတ်ဆောင်ရွက်ပေးနေမှုများ၊ လျှပ်စစ်မီးပုံမှန်ရရှိရေးနှင့် စနစ်တကျသုံးစွဲရေး ဆောင်ရွက်မှုများ၊ လူနာဆောင်များ ပုံမှန်ဖွင့်လှစ်ကုသဆောင်ရွက်ပေးနေမှုများ၊ ဆေးရုံကြီးဝန်းအတွင်း သန့်ရှင်းသာယာလှပရေးလုပ်ငန်းဆောင်ရွက်နေမှုအခြေအနေများကို ရှင်းလင်းတင်ပြ သည်။
ဆက်လက်၍ ခရိုင်ပြည်သူ့ဆေးရုံကြီး အထောက်အကူပြုကော်မတီဝင်များအလိုက် လုပ်ငန်းဆောင်ရွက်နေမှု အခြေအနေများနှင့်ပတ်သက်၍ ရှင်းလင်းတင်ပြမှုများအပေါ် ကော်မတီဥက္ကဋ္ဌက လိုအပ်သည်များ ပေါင်းစပ် ညှိနှိုင်းဆောင်ရွက်ပေးခဲ့ကြောင်းသိရသည်။
ဘာမီသာ(ပခုက္ကူ)
https://t.me/MyanmarNationalPost
No comments:
Post a Comment