မင်းဘူး၊ မတ် ၇
မကွေးတိုင်းဒေသကြီး၊ မင်းဘူး(စကု)မြို့နယ် ပြည်သူ့စစ်မှုထမ်းဥပဒေဆိုင်ရာဆွေးနွေးခြင်းကို ကုလားပါးကျေးရွာဓမ္မာရုံ၌ ယမန်နေ့ နေ့လယ် ၂ နာရီက ကျင်းပခဲ့သည်။
ရှေးဦးစွာ ဒုတိယမြို့နယ်အုပ်ချုပ်ရေးမှူး ဦးမျိုးဇော်ဝင်းက ပြည်သူ့စစ်မှုထမ်းဥပဒေပြဋ္ဌာန်းရခြင်း၏ ရည်ရွယ်ချက်များ၊ ပြည်သူ့စစ်မှုထမ်းသူတို့၏ ခံစားခွင့်များ၊ ပြည်သူ့စစ်မှုထမ်းစနစ် ကျင့်သုံးကြသည့် ကမ္ဘာ့နိုင်ငံများအကြောင်း ပြည်သူ့စစ်မှုထမ်းရန် အသက်အရွယ်နှင့် ထမ်းဆောင်ရမည့် ကာလအပိုင်းအခြားများကို ဆွေးနွေးပြောကြားခဲ့သည်။
အဆိုပါဆွေးနွေးပွဲသို့ မင်းဘူးခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်ခင်ဝါဝါလှိုင်၊ စကုနယ်မြေစခန်းမှူး ရဲအုပ်မျိုးမြင့်အောင်၊ မင်းဘူးမြို့၊ မြို့နယ်ဒုတိယဥပဒေအရာရှိ ဦးဟိန်းထက်ဦးတို့က ဆွေးနွေးပြောကြားခဲ့ပြီး၊ တက်ရောက်လာကြသူများက မရှင်းလင်းသည်များကို မေးမြန်းကြရာ ပြန်လည်ရှင်းလင်းဖြေကြားပေးခဲ့ကြကြောင်း သိရသည်။
ဇေယျာထက်(မင်းဘူး)
#News
No comments:
Post a Comment