နောင်ချို ၊ ဧပြီ ၂၈
၂၀၂၃-၂၀၂၄ ခုနှစ် ပညာသင်နှစ် အခြေခံပညာကျောင်းများ၏ အောင်စာရင်းများကို တစ်နိုင်ငံလုံးအတိုင်းအတာဖြင့် ထုတ်ပြန်လျက်ရှိရာ ကျောက်မဲခရိုင် နောင်ချိုမြို့နယ်အတွင်းရှိ အခြေခံပညာကျောင်းအသီးသီးတွင် စာမေးပွဲအောင်စာရင်းများကို ယမန်နေ့ နံနက် ၆ နာရီမှစ၍ ထုတ်ပြန်ပေးလျက်ရှိကြောင်း သိရသည်။
နောင်ချိုမြို့နယ်အတွင်းရှိ အခြေခံပညာကျောင်း (၁၈၈)၊ ဘုန်းတော်ကြီးသင်ပညာရေးကျောင်း(၂)၊ ကိုယ်ပိုင်ကျောင်း(၃) စုစုပေါင်း ကျောင်းပေါင်း (၁၉၃) ကျောင်းမှ ကျောင်းသား၊ ကျောင်းသာများ ဝင်ရောက်ဖြေဆိုခဲ့ကြပြီး KG တန်းမှ Grade-11 ထိ ကျောင်းတွင်းဖြေဆိုအောင်မြင်သူ (၂၅၀၁၆) ဦးဖြစ်ကြောင်း၊ အောင်မြင်မှုရာခိုင်နှုန်း (၉၉.၃၀၉) ရှိကြောင်း၊ အဆိုပါ အောင်စာရင်းများ သက်ဆိုင်ရာ ကျောင်းအသီးသီးတွင် ထုတ်ပြန်ကပ်ထားပေးကြောင်း၊ အောင်စာရင်များကို ကျောင်းသား၊ ကျောင်းသူများ၊ အုပ်ထိန်းသူမိဘများ လာရောက်ကြည့်ရှုကြကြောင်း ပညာရေးဌာနမှ သိရသည်။
ထွေးငယ်
https://t.me/MyanmarNationalPost
No comments:
Post a Comment