မိုင်းဖြတ် ဧပြီ ၂
ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်တွင် မြို့နယ်ဌာနဆိုင်ရာများအနေဖြင့် အသိပညာပေးဟောပြောပွဲများကို စဥ်ဆက်မပြတ် ဆောင်ရွက်လျက်ရှိရာ မတ်လ ၃၁ ရက်နေ့ နံနက်ပိုင်းက ဆွပ်ပန်ကျေးရွာနှင့် ဆွပ်ပလောင်းကျေးရွာတို့တွင် ယာဥ်စည်းကမ်း၊ လမ်းစည်းကမ်းဆိုင်ရာ အသိပညာပေးဟောပြောပွဲကို ပူးပေါင်းဆောင်ရွက်ခဲ့ကြောင်း သိရသည်။
ရှေးဦးစွာ ဆွတ်ပန်းကျေးရွာတွင် မြို့နယ်မွေးမြူရေးနှင့်ကုသရေးဦးစီးဌာနမှ ဒေါက်တာ ထွန်းဇော်ဝင်းက တိရစ္ဆာန်များကို စနစ်တကျမွေးမြူနိုင်ရေး၊ ကူးစက်ရောဂါများမဖြစ်ပွားအောင် ကာကွယ်ဆေးထိုးနှံရမည့် အခြေအနေများကို ပညာပေးပြောကြားခဲ့သည်။ ထို့နောက် မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးသန်းထွဋ်လွင်က မျိုးကောင်း၊ မျိုးသန့်ရရှိရန် နည်းပညာများရယူစိုက်ပျိုးရေး၊ သီးနှံများစိုက်ပျိုးရာတွင် သီးထပ်စိုက်ပျိုးနိုင်ရေး၊ ကျွဲနွားများကို ထိန်းကျောင်းစနစ်ဖြင့် မွေးမြူနိုင်ရေး၊ ဆီထွက်သီးနှံများစိုက်ပျိုးရေးနှင့် ပညာပေး ဆွေးနွေးခဲ့သည်။
ယင်းနောက် မြို့နယ်သစ်တောဦးစီးဌာနမှ တောအုပ် ဦးဝင်းအောင်က သဘာဝပတ်ဝန်းကျင်စိမ်းလန်းစိုပြေလှပစေရေးအတွက် ကာကွယ်ထိန်းသိမ်းရန်အချက်များ၊ မီးခိုးမြူငွေ့ညစ်ညမ်းမှုကို လျော့ချရေး လိုက်နာရန်အချက်များကိုလည်းကောင်း၊ မြို့နယ်ဖွံ့ဖြိုးမှုကြီးကြပ်ရေးရုံးမှ လက်ထောက်ညွှန်ကြားရေးမှူး ဦးနိုင်ကျော်က ဒေသဖွံ့ဖြိုးရေးလုပ်ငန်းများ ဆောင်ရွက်ပေးနေသည့် အခြေအနေများကိုလည်းကောင်း၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူး ဦးပြည့်ဖြိုးဇော်က စာဖတ်ရှိန်မြှင့်တင်ရေး၊ ကျေးရွာစာကြည့်တိုက်များ ရှင်သန်ခိုင်မာရေးအတွက် ကျေးရွာနေပြည်သူများ ပူးပေါင်းဆောင်ရွက်ရေးတို့ကိုလည်းကောင်း အသီးသီး ပညာပေးပြောကြားခဲ့ကြောင်း သိရသည်။
ဆက်လက်၍ အဆိုပါအသိပညာပေးပူးပေါင်းအဖွဲ့မှ ဆွပ်ပလောင်းကျေးရွာသို့ အသိပညာပေးဟောပြောပွဲ ကွင်းဆင်းဆောင်ရွက်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment