စစ်ကိုင်း ဧပြီ ၆
စစ်ကိုင်းခရိုင် ပတ်ဝန်းကျင်ထိန်းသိမ်းရေးဦးစီးဌာနနှင့် အားကစားနှင့်ကာယပညာဦးစီးဌာန တို့ပူးပေါင်း၍ ရာသီဥတုပြောင်းလဲမှုဆိုင်ရာ အသိပညာပေးဟောပြောဆွေးနွေးပွဲကို ယမန်နေ့ မွန်းလွဲ(၃)နာရီက ခရိုင်အားကစားနှင့်ကာယပညာဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။
အခမ်းအနားတွင် ခရိုင်ပတ်ဝန်းကျင်ထိန်းသိမ်းရေးဦးစီးဌာန၊ ခရိုင်ဦးစီးမှူးက အဖွင့်အမှာစကား ဆွေးနွေးပြာကြားပြီး ဦးစီးအရာရှိက “ကမ္ဘာကြီးပူနွေးလာမှု၏ အဓိကအကြောင်းရင်း”၊ “အခြားအကြောင်းရင်းများ”၊ “ အိုဇုံးလွှာဆိုသည်မှာအဘဘ်နည်း”၊ “အိုဇုံးလွှာထိခိုက်စေသော ဒြပ်ပစ္စည်းများ”၊ “ကမ္ဘာကြီးပူနွေးလာမှုကို လျော့ချနိုင်မည့်နည်းလမ်းများ”၊ “ရာသီဥတုပြောင်းလဲမှု၏ နောက်ဆက်တွဲဆိုးကျိုးများ”ကို အသေးစိတ်ရှင်းလင်းဆွေးနွေးပေးခဲ့ပြီး အသိပညာပေး လက်ကမ်း စာစောင်များ ဖြန့်ဝေပေးခဲ့ကြသည်။
စစ်ကိုင်းခရိုင် ပတ်ဝန်းကျင်ထိန်းသိမ်းရေးဦးစီးဌာနအနေဖြင့် ပြည်သူများအား အသိပညာပေး လုပ်ငန်းများကို သက်ဆိုင်ရာဌာနဆိုင်ရာများနှင့် ချိတ်ဆက်၍ ပတ်ဝန်းကျင်ထိန်းသိမ်းရေးလုပ်ငန်းစဉ်များ၊ ရာသီဥတုပြောင်းလဲမှုဆိုင်ရာများကို စဉ်ဆက်မပြတ် ဆွေးနွေးဆောင်ရွက်ပေးလျှက်ရှိကြောင်း သိရသည်။
ဇော်မြင့်နိုင်
https://t.me/MyanmarNationalPost
No comments:
Post a Comment