ကေ့ာကရိတ် ဧပြီ ၁၀
၂၀၂၄ ခုနှစ်၊ သာသနာရေးဦးစီးဌာနမှ အစိုးရပါဠိပထမပြန်စာမေးပွဲကို ဦးဆောင်ကျင်းပလျက်ရှိရာ ကေ့ာကရိတ်မြို့နယ် အစိုးရပါဠိပထမပြန်စာမေးပွဲကို ဧပြီ ၃ ရက်နေ့မှစ၍ ဘားအံမြို့ အထက(ခွဲ)-၃ ကျောင်း၌ ဖြေဆိုတော်မူလျက်ရှိပြီး စာဖြေရဟန်း၊သာမဏေ၊ သီလရှင်များနှင့် ကြီးကြပ်ဆရာတော်များအား ကေ့ာကရိတ်ခရိုင်/မြို့နယ်အဆင့် ဌာနဆိုင်ရာများ၊ စေတနာရှင် ပြည်သူများစုပေါင်း၍ နေ့ဆွမ်းများကို ရက်အစဥ်အလိုက် ဆက်ကပ်လှူဒါန်းခဲ့သည်။
အဆိုပါ အစိုးရပါဠိပထမပြန်စာမေးပွဲသည် ၂၀၂၄ ခုနှစ် ဧပြီ ၃ ရက်နေ့မှ ၉ ရက်နေ့အထိ ဖြေဆိုလျက်ရှိပြီး၊ စာမေးပွဲသို့ ကြွရောက်၍ ကြီးကြပ်ပေးတော်မူကြသော ဆရာတော်/ သံဃာတော်အပါး(၃၀)၊ စာဖြေရဟန်းသာမဏေ၊ သီလရှင် (၁၇၉) ပါးတို့အား ကေ့ာကရိတ် ခရိုင်/ မြို့နယ်အဆင့်ဌာနဆိုင်ရာများမှ နေ့စဉ်နေ့ဆွမ်းဆက်ကပ် လှူဒါန်းခြင်းနှင့် စာမေးပွဲကျင်းပရာ၌ လိုအပ်သည့် ပစ္စည်းများထောက်ပံ့လှူဒါန်းခဲ့ပြီး စေတနာရှင် ပြည်သူများမှ အချိုရည်တို့ကို ရက်စဥ်အလိုက် ဆက်ကပ်လှူဒါန်းခဲ့ကြောင်း သိရသည်။
ခင်မျိုးဝင်း
https://t.me/MyanmarNationalPost
No comments:
Post a Comment