ဓနုဖြူ ဧပြီ ၅
ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်တွင် အားကစားနှင့်ကာယပညာဦးစီးဌာနမှ ကြီးမှူးဖွင့်လှစ်သော နွေရာသီအခြေခံအားကစားသင်တန်းဆင်းပွဲကို ၃-၄-၂၀၂၅ ရက်နေ့က မြို့နယ်အားကစားကွင်း၌ ကျင်းပသည်။
သင်တန်းဆင်းပွဲတွင် ရိုးရာခြင်းလုံး၊ ဘက်စကက်ဘော၊ ပိုက်ကျော်ခြင်း၊ လက်ဝှေ့၊ ဘောလုံးနှင့် အေရိုးဗစ်အကများဖြင့် သရုပ်ပြခဲ့ရာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအေးကိုတင့်နှင့် အဖွဲ့ဝင်များ၊ ဌာနဆိုင်ရာအကြီးအကဲများ၊ အားကစားဝါသနာရှင်များက ကြည့်ရှုအားပေးခဲ့ကြသည်။ အဆိုပါနွေရာသီ အခြေခံအားကစားသင်တန်းအား မတ်လ (၅)ရက်နေ့မှ ဧပြီလ(၃)ရက်နေ့အထိ ဖွင့်လှစ်သင်ကြားပေးခဲ့ခြင်းဖြစ်ပြီး၊ သင်တန်းတက်ရောက်သူ ပိုက်ကျော်ခြင်းအားကစားနည်းတွင် (၂၂)ဦး၊ ရိုးရာခြင်းလုံး အားကစားနည်းတွင် (၅)ဦး၊ ဘက်စကက်ဘော အားကစားနည်းတွင်(၂၃)ဦး၊ လက်ဝှေ့ အားကစားနည်းတွင်(၁၀)ဦး၊ ဘောလုံး အားကစားနည်းတွင်(၂၀)ဦး၊ အေရိုးဗစ်အားကစားနည်းတွင်(၁၇)ဦး စုစုပေါင်း သင်တန်းသား၊ သင်တန်းသူ(၉၇)ဦး တက်ရောက်ခဲ့ပြီး၊ အဆိုပါ အားကစားနည်းများအား ယှဉ်ပြိုင်ကစားခဲ့ကြရာ ပထမ၊ ဒုတိယ၊ တတိယဆုရရှိသော သင်တန်းသား၊ သင်တန်းသူများနှင့် သင်တန်းနည်းပြဆရာများအား တက်ရောက်လာကြသော ဌာနဆိုင်ရာအကြီးအကဲများနှင့် တာဝန်ရှိသူများက ဆုများအသီးသီး ချီးမြှင့်ခဲ့ကြကြောင်း သိရသည်။
အောင်ပြည့်ဖြိုးဇော်
https://t.me/MyanmarNationalPost
No comments:
Post a Comment