မြစ်ကြီးနား ဧပြီ ၃
ကချင်ပြည်နယ်၊ မြစ်ကြီးနားမြို့၊ မင်းရပ်ရပ်ကွက် သာသနာ့ဗိမာန်တော်ကြီးတွင် သာသနာရေးနှင့် ယဉ်ကျေးမှုဝန်ကြီးဌာန၊ သာသနာရေးဦးစီးဌာနမှ ကြီးမှူးကျင်းပသည့် ၂၀၂၄ ခုနှစ် အစိုးရ ပါဠိပထမပြန်စာမေးပွဲကို ဧပြီ ၃ ရက် မွန်းတည့် ၁၂ နာရီက စတင်ကျင်းပလျက်ရှိသည်။
၂၀၂၄ ခုနှစ် အစိုးရပါဠိပထမပြန်စာမေးပွဲကို နိုင်ငံတော်သံဃာ့မဟာ နာယကအဖွဲ့ဝင် ခေမာသီဝံ ပရိယတ္တိစာသင်တိုက်မှ စာချကထိက အဂ္ဂမဟာပဏ္ဍိတ ဘဒ္ဒန္တစန္ဒာဝရာဘိဝံသ ဦးဆောင် ဆရာတော်ကြီး (၁၅) ပါးက ကြီးကြပ်တော်မူကာ ဧပြီလ ၃ ရက်နေ့တွင် ပထမကြီးတန်းမှ ဓမ္မပဒဘာသာရပ်၊ ပထမလတ်တန်းမှ ဒွေမာတိကာဘာသာရပ်၊ ပထမငယ်တန်းမှ ဓမ္မပဒဘာသာရပ်နှင့် အခြေပြုမူလတန်းမှ ဝိနည်းကျင့်ဝတ်ဘာသာရပ်တို့အား စာဖြေသံဃာနှင့် သီလရှင် ဆရာကြီး/ဆရာလေး (၂၃၅) ပါးကြွရောက်ဖြေဆိုတော်မူခဲ့ပြီး ကချင်ပြည်နယ် သာသနာရေးဦးစီးဌာနမှ တာဝန်ရှိသူများနှင့် အလှူရှင်များက ဆရာတော်သံဃာတော်များနှင့် သီလရှင် ဆရာကြီး ဆရာလေးများအား အချိုရေများ ဆက်ကပ်လှူဒါန်းခဲ့ကြသည်။
အဆိုပါ အစိုးရပါဠိပထမပြန်စာမေးပွဲကို ဧပြီလ ၃ ရက်နေ့မှ ၉ ရက်နေ့ထိ ဖြေဆိုသွားမည် ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment