နေပြည်တော် ၊ ဧပြီ ၁၈
ပြည်ထောင်စုနယ်မြေ၊ နေပြည်တော်အတွင်းရှိ မြို့နယ်များတွင် မြန်မာနှစ်ဆန်း(၁)ရက်နေ့၌ မြန်မာ့ရိုးရာယဉ်ကျေးမှုနှင့်အညီ သက်ကြီးဘိုးဘွားပူဇော်ပွဲများ ကျင်းပခဲ့ကြကြောင်း သိရသည်။
သက်ကြီးဘိုးဘွားပူဇော်ကန်တော့ပွဲများ တပ်ကုန်းမြို့နယ်တွင် အသက် ၈၀နှစ်နှင့်အထက် အဘိုး၊ အဘွား ၇၃ဦးအား လက်ဆောင်ပစ္စည်းများ၊ ငွေသားများကိုလည်းကောင်း၊ ပုဗ္ဗသီရိမြို့နယ်တွင် အသက်(၈၅) နှစ်နှင့် အထက် အဘိုးအဘွား (၁၅)ဦးတို့အား တစ်ဦးလျှင် ငွေကျပ် (၁၅၀၀၀/-)၊ အချိုရည်နှင့် မုန့်များကိုလည်းကောင်း၊ ဇမ္ဗူသီရိမြို့နယ်တွင် အသက်(၇၀)နှစ်နှင့်အထက် အဘိုးအဘွား(၆၄)ဦးအား ငွေသား ၂၀၀၀၀/ နှင့် လှူဖွယ်ပစ္စည်းမျိုးစုံ စုစုပေါင်းတန်ဘိုး ၂၂ သိန်းခန့်ကိုလည်းကောင်း ပေးအပ်လှူဒါန်းခဲ့ကြကြောင်း သိရသည်။
အဆိုပါ သက်ကြီးဘိုးဘွားပူဇော်ပွဲများတွင် ခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌနှင့် အဖွဲ့ဝင်များ၊ ဌာနဆိုင်ရာ အကြီးအကဲများနှင့် ဝန်ထမ်းများ၊ လူမှုရေးအသင်းအဖွဲ့များ၊ ပြည်သူများ တက်ရောက်ခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment