မိုင်းဖြတ် ၊ ဧပြီ ၂၁
ရှမ်းပြည်နယ် (အရှေ့ပိုင်း) ၊ တာချီလိတ်ခရိုင်၊ မိုင်းဖြတ်မြို့နယ်တွင် ၂၀၂၄ခုနှစ်၊ သာသနာတော်ဆိုင်ရာ ဘွဲ့တံဆိပ်တော်ဆက်ကပ်ချီးမြှင့်ခြင်းခံရသည့် ကမ္မဋ္ဌာနာစရိယ ဘွဲ့တံဆိပ်တော်ရ ဘဒ္ဒန္တ ခေမာဓမ္မ (စဝ်ဆမ်ရှဲန်) ၏ ဂုဏဝိသိဌဂုဏ်ပြုပူဇော်ပွဲနှင့် ကံထပ်မင်္ဂလာအခမ်းအနားကို ယမန်နေ့ နံနက်ပိုင်းက ဖွေးဟုန်းကျေးရွာ၊ ဆုတောင်းပြည့် ဓာတ်စွမ်ဒေါက် ကမ္မဌာန်းကျောက် တိုက်၌ စည်းကားသိုက်မြိုက်စွာ စီစဉ်ကျင်းပခဲ့ကြောင်း သိရသည်။
ရှေးဦးစွာ နံနက် ၇နာရီက ဓာတ်စွမ်ဒေါက်ကမ္မဌာန်းကျောက်တိုက်ရှိ ကျောင်းအဝင်မုခ်ဦးနှင့် လမ်းဖွင့်ပွဲအခမ်းအနားကို ကျင်းပရာ ဆုတောင်းပြည့် ဓါတ်စွမ်ဒေါက်ကမ္မဋ္ဌာန်းကျောင်းတိုက် ဆရာတော် ဘဒ္ဒန္တခေမာဓမ္မနှင့် အလှူရှင်များ၊ ဂေါပကအဖွဲ့ဝင်များက ဖဲကြိုးဖြတ်ဖွင့်လှစ်ပေးခဲ့ပြီး အမွှေးနံ့သာရေများပက်ဖျန်းခဲ့ကြသည်။
ထို့နောက် ကံထပ်မင်္ဂလာအခမ်းအနားကို ကျင်းပပြုလုပ်ရာ စျေးတန်းပရိယတ္ထိစာသင်တိုက်ဆရာတော် မဟာသဒ္ဓမ္မဇောဓိကဓဇ၊ ဘဒ္ဒန္တဓမ္မပါလနှင့် သံဃာတော်အရှင်သူမြတ်များ အမှူပြု၍ ဘဒ္ဒန္တခေမာဓမ္မ (စဝ်ဆမ်ရှဲန်) အား မင်္ဂလာပရိတ်ရေသပ္ပါယ်ခြင်း၊ သိမ်အတွင်း ကမဝါရွတ်ဖတ်ခြင်းနှင့် ဆွမ်းဆန်စိမ်းလောင်းလှူခြင်း မင်္ဂလညအခမ်းအနားများကို စီစဥ် ကျင်းပခဲ့ကြောင်း သိရသည်။
ဆက်လက်၍ ဓာတ်စွမ်ဒေါက်ကမ္မဌာန်းကျောက်တိုက်အတွင်း ထေရာဘိသေသက ကံဇာတာမြှင့်တင်ခြင်းနှင့် ပင့်သံဃာတော်အရှင်သူမြတ်များအား နေ့ဆွမ်းဆက်ကပ်ခဲ့သည်။ ယင်းနောက် အလှူရှင်များမှ လှူဒါန်းထားသည့် ကျောင်းဆောင်သစ်၊ မုခ်ဦး၊ ကျောင်းအဝင်လမ်း များအစရှိသည့် လှူဒါန်းမှုအစုစုတို့အတွက် ရေစက်သွန်းချအမျှပေးဝေကာ ဗုဒ္ဓသာသနံ စိရံတိဌတု သုံးကြိမ်ရွတ်ဆိုဆုတောင်း၍ အခမ်းအနားကိုရုတ်သိမ်းခဲ့ကြောင်း သိရသည်။
သန်းထွန်းအေး(မိုင်းဖြတ်)
https://t.me/MyanmarNationalPost
No comments:
Post a Comment