သာကေတ ဧပြီ ၆
ရန်ကုန်တိုင်းဒေသကြီး၊ ဗိုလ်တထောင်ခရိုင်၊ မြို့နယ်အားကစားနှင့် ကာယပညာဦးစီးဌာန အားကစားခန်းမတွင် ဧပြီလ(၄)ရက်နေ့ နံနက် ၇နာရီအချိန်၌ မြို့နယ်အားကစားနှင့် ကာယပညာ ဦးစီးဌာနမှ ကြီးမှူးဖွင့်လှစ်သည့် နွေရာသီအခြေခံအားကစားသင် တန်းများဖြစ်သည့် (ဟော်ကီ၊ ဘော်လီဘော၊ ပိုက်ကျော်ခြင်း၊ တိုက်ကွမ်ဒို၊ ရိုးရာခြင်း၊ ဝူရှူး၊ အခြေခံဘောလုံးသင်တန်း) အားကစားသင်တန်းဆင်းပွဲ အခမ်း အနားပြုလုပ်ခဲ့ရာ သာကေတမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်သူ၊ အဖွဲ့ဝင် (၂) ဦးညွှန့်ဝေ၊မြို့နယ် အမျိုးသမီးရေးရာအဖွဲ့ ဥက္ကဋ္ဌဒေါ်ပြည့်ဖြိုး၀င်း၊ မြို့နယ်အားကစားနှင့် ကာယပညာဆပ်ကော်မတီ၀င်များ၊ မြို့နယ်ဌာနဆိုင်ရာများ၊ ရပ်ကွက်အုပ်ချုပ်ရေးမှူးနှင့် သင်တန်းနည်းပြ ဆရာ/ဆရာမများ၊ သင်တန်းသား/သူများ တက်ရောက်ခဲ့ကြသည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်သူမှ သင်တန်းဆင်း အမှာစကား ပြောကြားကာ သင်တန်းဆင်းလက်မှတ်များချီးမြှင့်ပေးအပ်ခဲ့ပြီး သင်တန်းသူ/သားများမှ အားကစားနည်းအလိုက် သရုပ်ပြသခဲ့ကြသည်။ ဆက်လက်ပြီးမြို့နယ်စီမံအုပ်ချုပ်ရေးအဖွဲ့၀င် ၂ ဦးညွှန့်ဝေ၊ မြို့နယ်အမျိုးသမီးရေးရာအဖွဲ့ဥက္ကဋ္ဌ ဒေါ်ပြည့်ဖြိုး၀င်းတို့မှ သင်တန်းနည်းပြ များနှင့် သရုပ်ပြ အဖွဲ့များအား သင်တန်းနည်းပြစရိတ်နှင့် သရုပ်ပြဆုချီးမြှင့်စရိတ် ပေးအပ်ချီးမြှင့်ခဲ့သည်။
ထို့နောက်ညနေ (၄း၀၀)နာရီအချိန်၌ ၄/တောင်ရပ်ကွက်အားကစားကွင်းတွင် နွေရာသီအခြေခံ ဘောလုံးသင်တန်းဆင်းပွဲ အခမ်းအနားကို ဆက်လက်ကျင်းပခဲ့ရာသာကေတ မြို့နယ်စီမံ အုပ်ချုပ်ရေးအဖွဲ့ဥက္ကဋ္ဌ ဦးကျော်သူ၊ အဖွဲ့ဝင် (၂) ဦးညွန့်ဝေ၊ မြို့နယ် အားကစား နှင့်ကာယ ပညာဆပ် ကော်မတီ၀င်များ၊ မြို့နယ်ဌာနဆိုင်ရာများ၊ ရပ်ကွက်အုပ်ချုပ်ရေးမှူးနှင့် သင်တန်းနည်းပြ ဆရာ/ဆရာမများ၊ သင်တန်းသား/သူများ တက်ရောက်ခဲ့ပြီး သင်တန်းဆင်း လက်မှတ်များ ချီးမြှင့်ခဲ့ကြောင်း သိရသည်။
ဆောင်းနှင်းဖြူ
https://t.me/MyanmarNationalPost
No comments:
Post a Comment