တနင်္သာရီ၊ ဧပြီ ၁
တနင်္သာရီမြို့နယ်၊ လယ်တောင်ယာကျေးရွာနှင့် သမုတ်ချုံးကျေးရွာအကြား ပြည်ထောင်စု ကားလမ်းမပေါ်တွင် ၃၀.၃.၂၀၂၄ရက်နေ့က PDFအကြမ်းဖက်သမားများက မော်တော်ယာဉ်များအား တားဆီးစစ်ဆေး ငွေကြေးကောက်ခံမှုများ ပြုလုပ်နေကြောင်း သတင်းအရ လုံခြုံရေးတပ်ဖွဲဝင်များက သွားရောက်နယ်မြေရှင်းလင်း ခဲ့ရာ PDF အကြမ်းဖက်သမား ၂လောင်းနှင့် လက်နက်ခဲယမ်းများ သိမ်းဆည်းရရှိခဲ့သည်။
အဆိုပါ အကြမ်းဖက်သမားများထံမှ အမ်-၁၆ (ပြောင်းတို) သေနတ် ၁ လက်၊ ၉ လုံးကျည် လက်လုပ်သေနတ် ၁ လက်၊ ၉ လုံးကျည် ၂၅ တောင့်၊ အမ်-၁၆ ကျည် ၃၀ တောင့်၊ အမ်-၁၆ ကျည်အိမ် ၁ ခု၊ လက်လုပ် UAV ၂ စင်း၊ DJI Drone ၁ စင်း၊ လက်လုပ်မိုင်း ၆ လုံး၊ လက်လုပ် Drop Bomb ၉ လုံး၊ အိုင်ကွန် ၁ လုံးတို့အား သိမ်းဆည်းရရှိခဲ့ကြောင်း သိရသည်။
ပြည်ပြေး ဝရမ်းပြေး NUG အကြမ်းဖက်အဖွဲ့၏ လက်ပါးစေ PDF အကြမ်းဖက်သမားများမှာ ဒေသခံပြည်သူများအား နည်းမျိုးစုံဖြင့် ဒုက္ခပေးနေပြီး လက်နက်ဖြင့် ခြိမ်းခြောက် အနိုင်ကျင့် ဓားပြတိုက်သည့် လုပ်ရပ်များကိုလည်း စဉ်ဆက်မပြတ် ကျူးလွန်လျက် ရှိသည်။
Photo - Hmine Wai
#News
No comments:
Post a Comment