ပန်းတောင်း ၊ မေ ၁၀
ပဲခူးတိုင်းဒေသကြီ၊ ပြည်ခရိုင်၊ ပန်းတောင်းမြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ယမန်နေ့ နံနက် (၁၀) အချိန်က မြို့နယ်စီမံအုပ်ချုပ်ရေးအဖွဲ့နှင့် မြို့နယ်အဆင့်ဌာနဆိုင်ရာများ လုပ်ငန်းညှိနှိုင်းအစည်းအဝေးကို ကျင်းပခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်သူရက ဌာနဆိုင်ရာဝန်ထမ်းများ လုံခြုံရေးနှင့်ပတ်သက်၍ သွားလာမှုများအထူးဂရုစိုက်ကြရန်၊ မြို့နယ်အတွင်းရှိ ဖွင့်လှစ်ထားသောစာကြည့်တိုက်များသုတ/ရသစာပေများ ပိုမိုဖြည့်တင်းထားရှိနိုင်ရေး၊ လေပြင်းဘေးအန္တရာယ်ကျရောက်ပျက်စီးခဲ့သည့် ကျေးရွာများသို့ ပြန်လည်ထူထောင်ရေးလုပ်ငန်းများဆောင်ရွက်ကြရန်၊ မီးဘေးအန္တရာယ်မဖြစ်ပွားစေရန် မီးသတ်ဆေးဗူးများ အသစ်လဲလှယ်ထားရှိကြရန်စသည်ဖြင့် ပြောကြားခဲ့ပြီး မြို့နယ်စီမံအုပ်ချုပ်ရေးအဖွဲ့ဝင်များမှ ဌာနအလိုက်ဆောက်ရွက်ကြသည့် လုပ်ငန်းများအား တိကျသေချာစွာဆောင်ရွက်ကြရန် ပြောကြားခဲ့သည်။
ထို့နောက် တက်ရောက်လာသောဌာနဆိုင်ရာအသီးအသီးများမှ အကြီးအကဲများကမိမိတို့ဌာန ဆောင်ရွက်ထားရှိမှုအခြေအနေအခက်အခဲများ၊ လုပ်ငန်းစဥ်များအားတစ်ဦးချင်းတင်ပြ ဆွေးနွေးခဲ့ကြသည်။ အဆိုပါအခမ်းနားသို့ မြို့နယ်စီမံအုပ်ချုပ်ရေးအဖွဲ့ဝင်များနှင့် မြို့နယ်အဆင့်ဌာနဆိုင်ရာများ စုစုပေါင်း (၃၅)ဦး တက်ရောက်ခဲ့ကြောင်း သိရသည်။
လပြည့်လင်း
https://t.me/MyanmarNationalPost
No comments:
Post a Comment