ရွှေတောင် ၊ မေ ၂၃
ရွှေတောင်မြို့နယ်အတွင်း ခရိုင်အစားအသောက်နှင့် ဆေးဝါးကြီးကြပ်ရေးကော်မတီမှ ဆေးပစ္စည်းအရောင်းဆိုင်များ၊ လူသုံးကုန်နှင့် အလှကုန်ပစ္စည်းအရောင်းဆိုင်များတွင် ရောင်းချလျက်ရှိသည့် ကုန်ပစ္စည်းများ၊ ဆေးဝါးများ၏ အရည်အသွေးများ၊ ဆေးဝါးမှတ်ပုံတင်များ၊ ဆေးဝါးအတုများ ဘေးအန္တရာယ် ကင်းရှင်းစေရေးအတွက် ရှောင်တခင်စစ်ဆေးခြင်းကို ယနေ့နံနက်ပိုင်းက ဆောင်ရွက်ခဲ့ကြောင်းသိရသည်။
အဆိုပါ ကွင်းဆင်းစစ်ဆေးရာသို့ ခရိုင်အစား အသောက်နှင့် ဆေးဝါးကွပ်ကဲရေးဦးစီးဌာန (FDA) ဦးစီးအရာရှိ ဦးအောင်လှိုင်ဝင်း၊ ရွှေတောင်မြို့နယ်စီမံအုပ်ချုပ်ရေးအဖွဲ့ဥက္ကဌ၏ ကြီးကြပ်မှုဖြင့် မြို့နယ်အစားအသောက်နှင့် ဆေးဝါးများကြီးကြပ်မှုကော်မတီပါဌာနဆိုင်ရာများဖြစ်သည့် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်ရဲတပ်ဖွဲ့၊ မြို့နယ်စည်ပင်သာယာရေးအဖွဲ့၊ မြို့နယ်စားသုံးသူရေးရာဦးစီးဌာန၊ မြို့နယ်မွေးမြူရေးနှင့်ကုသရေးဦးစီးဌာနနှင့် ရပ်ကွက်အုပ်ချုပ်ရေးမှူးရုံးများမှ တာဝန်ရှိသူများ ပါဝင်သည့် ကွင်းဆင်းစစ်ဆေးရေးအဖွဲ့က ဆေးဝါးအရောင်းဆိုင်များရှိ Prescription Only Medicine -(POM) နှင့် Over The Counter( OTC) လယ်ဂျာများ စနစ်တကျထားရှိရန်နှင့် ဆေးဝါးများ၏အရည်အသွေးများ၊ ဆေးဝါးမှတ်ပုံတင်များ၊ ဆေးဝါးအတုများအား ရှောင်တခင် ကွင်းဆင်းကြည့်ရှုစစ်ဆေးခဲ့ကြကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment