ရန်ကုန် ၊ မေ ၇
၂၀၂၃ -၂၀၂၄ ပညာ သင်နှစ်တွင် လူရည်ချွန် အဖြစ် ရွေးချယ်ခံရပြီး လူရည်ချွန်စခန်းများမှပြန်လည်ရောက်ရှိလာသော ရန်ကုန်တိုင်းဒေသ ကြီး မင်္ဂလာဒုံခရိုင် ရွှေပြည်သာမြို့နယ်ကောင်းစုစံပညာ့ရိပ်မွန် ကိုယ်ပိုင်အထက်တန်းကျောင်းမှ လူရည်ချွန် မောင်/မယ် (၅)ဦးအား ဂုဏ်ပြုကြိုဆိုပွဲ အခမ်း အနားကို ယနေ့နံနက် ၉နာရီခွဲက အဆိုပါ ကျောင်း၌ ကျင်းပရာ ကောင်းစုစံပညာ့ရိပ်မွန်ကိုယ်ပိုင်အထက်တန်းကျောင်းမှကျောင်းအုပ်ကြီးမိသားစုနှင့် ဆရာ/ဆရာမများ၊ ကျောင်း သား/ကျောင်းသူများ၊ မိဘများမှ အိုးစည် ဒိုးပတ်အကများ၊ ပန်းစည်းများ၊ အောင်သ ပြေပန်းများဖြင့်လှိုက်လှဲနွေးထွေးစွာ ဂုဏ်ပြုကြို ဆိုခဲ့ကြသည်။
အဆိုပါ လူရည်ချွန် မောင်/မယ် (၅)ဦးတွင် Grade-9မှကျောင်းသား/သူ(၂)ဦး၊ Grade-10မှ ကျောင်းသူ(၁)ဦး၊ Grade-11 မှ ကျောင်း သား(၁)ဦး၊ Grade-12 မှ ကျောင်းသူ(၁)ဦးတို့ဖြစ်ပြီး နိုင်ငံတော်မှစီစဉ် ပေးသော အပန်းဖြေ လေ့လာရေးခရီးစဉ်အဖြစ် စေလွှတ်ခဲ့သည့် ပုဂံ၊ တောင်ကြီး၊ ချောင်းသာ၊ ငွေဆောင် လူရည်ချွန်စခန်းအသီးသီးကို သွားရောက်ခဲ့ကြ သည့် လေ့လာရေးခရီး အတွေ့အကြုံများကို အသီးသီးရှင်းလင်း ပြောကြားခဲ့ကြသည်။
ကောင်းစုစံပညာ့ရိပ်မွန် ကိုယ်ပိုင်အထက်တန်းကျောင်းကို ၂၀၁၂ ခုနှစ်တွင်စတင်ဖွင့်လှစ်ခဲ့ပြီး၂၀၂၃ -၂၀၂၄ ပညာ သင်နှစ်အထိသုံးထပ်ကွမ်းလူရည်ချွန်(၁)ဦး၊နှစ်ထပ်ကွမ်းလူရည်ချွန်(၃)ဦး၊တစ်ထပ်ကွမ်းလူရည်ချွန်(၆)ဦး၊ အပါအဝင် လူရည်ချွန်မောင်/မယ်် (၁၀)ဦးမှ လူရည်ချွန်ဆု (၁၅)ဆု ဆွတ်ခူးရရှိခဲ့ ကြောင်း သတင်းရရှိ ပါသည်။
နိုင်လင်းအောင်
https://t.me/MyanmarNationalPost
No comments:
Post a Comment