မိုးနဲ ၊ မေ ၇
ရှမ်းပြည်နယ်(တောင်ပိုင်း)၊ နမ့်စန်ခရိုင်၊ မိုးနဲမြို့နယ် နားလင်းဘုန်းတော်ကြီးသင်ပညာရေးကျောင်းသို့ အလှူငွေများကို ယနေ့နံနက် ၁၀ နာရီအချိန်က မြို့နယ်စီမံအုပ်ချုပ်ရေးအဖွဲဥက္ကဋ္ဌနှင့် တာဝန်ရှိသူများက သွားရောက်လှူဒါန်းခဲ့ကြကြောင်း သိရသည်။
ထိုသို့သွားရောက်လှူဒါန်းရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဝင်းမြင့်နှင့်အဖွဲ့ဝင်များ ၊ ဌာနဆိုင်ရာတာဝန်ရှိသူများ၊ မြို့နယ်သာသနာရေးဦးစီးဌာနမှ တာဝန်ရှိသူများက ဘုန်းတော်ကြီးသင်ပညာရေးကျောင်း(ခွဲ)၊ နားလင်းဘုန်းတော်ကြီးကျောင်းရှိ ကျောင်းသား/ သူများ၏ ပညာရေး၊ စားဝတ်နေရေးအဆင်ပြေစေရန်၊ စာသင်သားများနှင့် စာသင်သံဃာတော်များ နေရေးထိုင်ရေးနှင့် လိုအပ်သည့်နေရာများတွင် အသုံးပြုနိုင်ရန်အတွက် ဌာနဆိုင်ရာရုံးများမှ လစဥ်သွားရောက် လှူဒါန်းပေးလျက်ရှိရာ ယနေ့တွင် ဌာနများစုပေါင်းလှူဒါန်းမှုမှရရှိသော အလှူငွေစုစုပေါင်း ငွေကျပ် ၄၉၀၀၀၀ကို ပေးအပ်လှူဒါန်းခဲ့ရာ ဝိဇ္ဇာရိယဘုန်းတော်ကြီးသင်ပညာရေးကျောင်း ကျောင်းထိုင်ဆရာတော်ဘန္ဒန္တမာဃိန္ဒက လက်ခံပေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment