ရွှေတောင် ၊ မေ- ၉
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန(Community Centre ) ခန်းမ၌ ယမန်နေ့ နံနက်ပိုင်းက ကျောင်းသား၊ ကျောင်းသူများအား စာဖတ်သူမှသည် စာရေးသူများဖြစ်လာ စေရန်နှင့် မျိုးဆက်သစ်စာရေးဆရာများပေါ်ပေါက်လာစေရန် ရည်ရွယ်၍ ကဗျာ၊ စာစီစာကုံးနှင့် ဝတ္ထုတိုပြိုင်ပွဲ ကျင်းပခဲ့သည်။
အခမ်းအနားတွင် ရွှေတောင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်ငြိမ်းငြိမ်းသန့်က စာပေချစ်သူများအသင်း Book Club ၏ မုဒိတာ စာဖတ်ဝိုင်း (၅)နှစ်ပြည့် အထိမ်းအမှတ် အဖြစ် ရည်ရွယ်ကျင်းပခြင်းဖြစ် ကြောင်း ရှင်းလင်းပြောကြားခဲ့ပြီး ဆရာမကြီး ဒေါ်မြတ်နွယ် ဧပရယ်မွန်းက ပြိုင်ပွဲ စည်းမျဉ်းစည်းကမ်းများကို ရှင်းလင်း ပြောကြားခဲ့သည်။
ထို့နောက် ကျောင်းသား ၊ကျောင်းသူလေးများက ကဗျာ၊စာစီစာကုံးနှင့်ဝတ္ထုတိုပြိုင်ပွဲများကို ပါဝင်ယှဥ်ပြိုင်ခဲ့ကြရာ ကျောင်းသား ၊ကျောင်းသူ ( ၂၀) ဦး ပါဝင်ယှဥ်ပြိုင်ခဲ့ကြပြီး ဆုရရှိသူများကို စာပေချစ်သူများအသင်း Book Club (၅)နှစ်ပြည့်အခမ်းအနားတွင် ပေးအပ်ချီးမြှင့်မည်ဖြစ် ကြောင်း သိရသည်။
ဆက်လက်၍ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ စာအုပ်စာစောင်ပြပွဲနှင့်ကလေးအလုပ်သမားပပျောက်ရေးနံရံကပ်စာစောင်၊လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနမှ လျှပ်စီးလက်ခြင်း၊မိုးကြိုးပစ်ခြင်းအသိပညာပေး နံရံကပ်စာစောင်များပြသရာ ကျောင်းသား၊ ကျောင်းသူများမှ စိတ်ပါဝင်စားစွာ ကြည့်ရှုလေ့လာခဲ့ကြကြောင်းသိရသည်။
https://t.me/MyanmarNationalPost
No comments:
Post a Comment