ဆိုးလ်၊ ဇွန် ၁၃
အာဆီယံကော်မတီ (ဆိုးလ်) ၏ အလှည့်ကျဉက္ကဋ္ဌအဖြစ် တာဝန်ယူထားသည့် ကိုရီးယားသမ္မတနိုင်ငံ ဆိုင်ရာ မြန်မာသံအမတ်ကြီး ဦးသန့်စင်၏ စီစဉ်မှုဖြင့် ၁၂-၆-၂၀၂၄ ရက်တွင် ဆိုးလ်မြို့အခြေစိုက် အာဆီယံနိုင်ငံများမှ သံအမတ်ကြီးများ/ သံရုံးအကြီးအကဲများသည် ကိုရီးယားသမ္မတနိုင်ငံ၏ စီးပွားရေး လုပ်ငန်းစုကြီးတစ်ခုဖြစ်သော GS Group အောက်ရှိ GS Retail ကုမ္ပဏီသို့ သွားရောက်ကာ ကိုရီးယားရုပ်မြင်သံကြားတွင် ပြသနေသည့် ကိုရီးယားနိုင်ငံ၏ နံပါတ် (၁) နေရာတွင်ရှိသော GS Home Shopping တိုက်ရိုက် ရိုက်ကူးထုတ်လုပ်ပြသနေမှုများကို သွားရောက်လေ့လာခဲ့သည်။
ယင်းနောက် အာဆီယံကော်မတီ (ဆိုးလ်) ၏ အဖွဲ့ဝင်နိုင်ငံများမှ သံအမတ်ကြီးများ/ သံရုံးအကြီးအကဲများသည် GS Retail Company မှ အမှုဆောင်အရာရှိချုပ်၊ ဒုတိယဥက္ကဋ္ဌများနှင့်အတူ နေ့လယ်စာ စားပွဲသို့ ပါဝင်တက်ရောက်ခဲ့သည်။
အဆိုပါလေ့လာရေးခရီးစဉ်သည် အာဆီယံနိုင်ငံများနှင့် GS Retail ကုမ္ပဏီတို့အကြား စီးပွားရေး ပူးပေါင်း ဆောင်ရွက်မှုများ တိုးမြှင့်နိုင်ရန်ရည်ရွယ်၍ စီစဉ်ခဲ့ခြင်းဖြစ်ကြောင်း သိရသည်။
Join - https://t.me/MyanmarNationalPost
No comments:
Post a Comment