ကွမ်းခြံကုန်း၊ ဇွန် ၁၈
ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်တွင် နိုင်ငံစီးပွားမြှင့်တင်ရေးရန်ပုံငွေဖြင့် မြို့နယ်သမဝါယမအသင်းစုမှ ကန်ထရိုက်လယ်ယာစနစ် ဆောင်ရွက်လျက်ရှိသော ကော့ဒွန်းကျေးရွာ၊ ကော့ဒွန်းစိုက်ပျိုးရေးနှင့် အထွေထွေသမဝါယမအသင်းသား တောင်သူများသို့ ဇွန် ၁၄ ရက်နေ့က ကော့ဒွန်းကျေးရွာ၌ သွင်းအားစုပေးအပ်ပွဲ ဆောင်ရွက်ခဲ့ကြောင်း သိရသည်။
အဆိုပါ သွင်းအားစုများပေးအပ်ရာတွင် ရန်ကုန်တိုင်းဒေသကြီး၊ သမဝါယမဦးစီးဌာန၊ တိုင်းဒေသကြီးသမဝါယမဦးစီးမှူး၏ကြီးကြပ်မှုဖြင့် ကွမ်းခြံကုန်းမြို့နယ်၌ ၂၀၂၄ ခုနှစ်တွင်မြို့နယ်သမဝါယမအသင်းစုမှ ကန်ထရိုက်လယ်ယာစနစ်ဆောင်ရွက်မည့် သမဝါယမအသင်း ၄ သင်း၊ အသင်းသား ၁၃၇ ဦး၊ မိုးစပါးစိုက်ဧက(၁၂၂၂)ဧကအတွက် တန်ဖိုးငွေ ၂၄၄.၄၀ ကျပ်သန်းနှင့်ညီမျှသော သွင်းအားစုများကို မြို့နယ်ကော်မတီအဖွဲ့ဝင်များ၊ မြို့နယ်သမဝါယမဦးစီးအရာရှိနှင့်သမဝါယမအသင်းစုတို့မှ အသင်းသားတောင်သူများထံ လက်ဝယ်အရောက်ပေးအပ်ခဲ့ကြောင်း သိရသည်။
ဆွေနွယ်
Join - https://t.me/MyanmarNationalPost
No comments:
Post a Comment