လားရှိုး၊ ဇွန် ၁၈
စွမ်းအင်ဝန်ကြီးဌာန၊ ရေနံထွက်ပစ္စည်းကြီးကြပ်စစ်ဆေးရေးဦးစီးဌာနလက်အောက်ရှိ ပြည်နယ်ကြီးကြပ်စစ်ဆေးရေးအရာရှိရုံး၊ ရှမ်း(မြောက်)၊ လားရှိုးမြို့ရှိ တာဝန်ရှိသူများ ပါဝင်သော စစ်ဆေး ရေးအဖွဲ့များသည် ယမန်နေ့က လားရှိုးမြို့ပေါ်ရှိ စက်သုံးဆီ အရောင်းဆိုင်များသို့ ရှောင်တခင် ကွင်းဆင်းစစ်ဆေးဆောင်ရွက်ခဲ့ပါသည်။
လားရှိုးမြို့ပေါ်ရှိ စက်သုံးဆီဆိုင်များအား သတ်မှတ်ရည်ညွှန်း ဈေးနှုန်းများအတိုင်း ရောင်းချခြင်း၊ အခြင်အတွယ် ပြည့်မီမှန်ကန်မှု၊ သတ်မှတ်ချက်များနှင့်အညီ ရောင်းချခြင်း၊ အများပြည်သူသို့ အဆင်ပြေစွာရောင်းချခြင်း၊ မီးဘေးအန္တရာယ် ကြိုတင်ကာကွယ်ရေး ဆောင်ရွက်ထားမှု ရှိ/မရှိနှင့် ပုံး/ခွက်များဖြင့် တဆင့်ရောင်းချမှုမရှိစေရေးတို့အား ရှောင်တခင်စစ်ဆေးပြီး လိုအပ်သည်များ မှာကြားခဲ့ကြောင်း သိရသည်။
လားရှိုးမြို့ပေါ်ရှိ စက်သုံးဆီဆိုင်များကို သတ်မှတ်ရည်ညွှန်း ဈေးနှုန်းများအတိုင်း ရောင်းချခြင်း ရှိ/မရှိနှင့် သတ်မှတ်ချက်များအတိုင်းရောင်းချခြင်းရှိ/မရှိကို အခါအားလျော်စွာ ရှောင်တခင် စစ်ဆေးခြင်းများ ဆက်လက်ဆောင်ရွက်သွားမည်ဖြစ်ကြောင်း သတင်းရသည်။
စိုင်းထွန်း (လားရှိုး)
Join - https://t.me/MyanmarNationalPost
No comments:
Post a Comment