စစ်ကိုင်း၊ ဇွန် ၅
စစ်ကိုင်းပညာရေးတက္ကသိုလ်တွင် ၂၀၂၃- ၂၀၂၄၊ ၂၀၂၄- ၂၀၂၅ ပညာသင်နှစ်၊ သင်တန်းနှစ်အသီးသီး၏ (ပထမပညာသင်ကာလ) ကျောင်းဝင်မှတ်ပုံတင်ခြင်းနှင့် (ဒုတိပညာသင်ကာလ)သတင်းပို့ လက်ခံခြင်းကို မေ(၂၃)ရက်နေ့မှ စ၍စတင်လက်ခံ ဆောင်ရွက်ပေးနေလျက်ရှိကြောင်းသိရသည်။
၂၀၂၄ ခုနှစ်၊ ဇွန်လ(၃)ရက်နေ့ ကျောင်းစတင်ဖွင့်လှစ်ချိန်တွင် ပါမောက္ခချုပ်၊ ဒုတိယပါမောက္ခချုပ်(သင်တန်း)၊ ဒုတိယပါမောက္ခချုပ်(စီမံ)နှင့် တာဝန်ရှိသူများက စာသင်ကြားနေမှုအခြေအနေနှင့် ကျောင်းတက်ရောက်မှုအခြေအနေများကို လှည့်လည်ကြည့်ရှု အားပေးခဲ့ကြပြီး လိုအပ်သည်များစီမံ ဆောင်ရွက်ပေးခဲ့ကြပြီး ကျောင်းသား/ကျောင်းသူများအား ရင်းနှီးစွာနှုတ်ဆက်အားပေးခဲ့ကြသည်။
စစ်ကိုင်းပညာရေးတက္ကသိုလ်အနေဖြင့် ၂၀၂၄ ခုနှစ်၊ ဇွန်လ(၃)ရက်နေ့အထိ စာရင်းရှိ ကျောင်းသား/ကျောင်းသူ (၂၄၄၁)ဦးရှိပြီး လက်ရှိကျောင်းတက်ရောက်မှုဦးရေမှာ (၅၁၀)ဦးရှိကြောင်း အဆိုပါ တက္ကသိုလ်စာရင်းများအရ သိရသည်။
ဇော်မြင့်နိုင်
Join - https://t.me/MyanmarNationalPost
No comments:
Post a Comment