ဒါကာ၊ ဇွန် ၂၂
ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီမှ ၂၀၂၄ ခုနှစ်အတွက် သာသနာတော်ဆိုင်ရာ ဘွဲ့တံဆိပ်တော် ဆက်ကပ်ချီးမြှင့်အပ်နှင်းခြင်းခံရသည့် ဘင်္ဂလားဒေ့ရှ်နိုင်ငံ၊ Khagrachari ခရိုင်၊ ဗိုလ်လီပါရာကျေးရွာ၊ သက္ကျာမုဏီသာသနာပြုကျောင်းတိုက်မှ ဆရာတော် ဘဒ္ဒန္တပညာဝံသအား ဘွဲ့တံဆိပ်တော် ဆက်ကပ်ပူဇော်ခြင်း အခမ်းအနားကို ၂၁-၆-၂၀၂၄ ရက်တွင် မြန်မာသံရုံး၊ ဒါကာမြို့၌ ကျင်းပပြုလုပ်ခဲ့သည်။
အခမ်းအနားသို့ သံအမတ်ကြီး ဦးကျော်စိုးမိုးနှင့် ဇနီး၊ မြန်မာစစ်သံ (ကြည်း၊ ရေ၊ လေ) ဗိုလ်မှူးချုပ် စိုးညွန့်နှင့် ဇနီး၊ သံရုံးနှင့် စစ်သံရုံးတို့မှ ဝန်ထမ်းများနှင့် မိသားစုဝင်များ၊ ဒါကာမြို့နှင့် စစ်တကောင်းမြို့တို့မှ သံဃာတော် ၅ ပါး ကြွရောက်ချီးမြှင့်ခဲ့ကြသည်။
အဆိုပါအခမ်းအနား၌ သံအမတ်ကြီး ဦးကျော်စိုးမိုးမှ ၂၀၂၄ ခုနှစ်၊ သာသနာတော်ဆိုင်ရာ မဟာသဒ္ဓမ္မ ဇောတိကဓဇ ဘွဲ့တံဆိပ်တော် ဆက်ကပ်ချီးမြှင့်အပ်နှင်းခံရသည့် ဆရာတော် ဘဒ္ဒန္တအရှင်ပညာဝံသအား သာသနာတော်ဆိုင်ရာ ဘွဲ့တံဆိပ်တော်နှင့် အဆောင်အယောင်များ ဆက်ကပ်ပူဇော်ခဲ့သည်။
ယင်းနောက် သံအမတ်ကြီးဦးကျော်စိုးမိုးမှ ဘွဲ့တံဆိပ်တော်ရဆရာတော်နှင့် ကြွရောက် ချီးမြှင့်သည့် ဆရာတော်ကြီးများအား နေ့ဆွမ်းဆက်ကပ်လှူဒါန်း၍ အခမ်းအနားကို အောင်မြင်စွာ ရုတ်သိမ်းခဲ့ကြောင်း သိရသည်။
Join - https://t.me/MyanmarNationalPost
No comments:
Post a Comment