ပုသိမ်၊ ဇူလိုင် ၂၈
ဧရာဝတီတိုင်းဒေသကြီး၊ ပုသိမ်မြို့ အမှတ်(၁၂)ရပ်ကွက်တွင် င၀န်မြစ်ရေမြင့်တက်ခြင်းနှင့် မိုးသည်းထန်စွာရွာသွန်းမှုတို့ကြောင့် ရွှေ့ပြောင်းနေထိုင်ခဲ့သည့် ယာယီရေဘေးရှောင်အိမ်ထောင်စုများအတွက် ဆန်ရိက္ခာဖိုးငွေနှင့် ကာဘော်လစ်ဆပ်ပြာများအား ယမန်နေ့ညနေပိုင်းက တာဝန်ရှိသူများက ကွင်းဆင်းထောက်ပံ့ပေးအပ်ခဲ့သည်။
ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဧရာ၀တီတိုင်းဒေသကြီးဦးစီးမှူးရုံးနှင့် ပုသိမ်ခရိုင်ဦးစီးမှူးရုံးမှ တာ၀န်ရှိသူများ၊ ပုသိမ်ခရိုင်မီးသတ်ဦးစီးဌာန၊ ပုသိမ်မြို့နယ်စီမံအုပ်ချုပ်ရေးအဖွဲ့နှင့် မြို့နယ်မီးသတ်ဦးစီးဌာနမှ တာ၀န်ရှိသူများသည် ပုသိမ်မြို့၊ အမှတ်(၁၂)ရပ်ကွက်တွင် င၀န်မြစ်ရေမြင့်တက်ခြင်းနှင့် မိုးသည်းထန်စွာရွာသွန်းမှုတို့ကြောင့် လေးကျွန်းရန်အောင်ဖောင်တော်ဦးဘုရား၀န်းရှိ သုဓမ္မာဇရပ်သို့ ယာယီရေဘေးရှောင်ပြောင်းရွှေ့နေထိုင်ရသည့် ရေ၀င်နစ်မြုပ်အိမ်ခြေ(၁၃)လုံး၊ အိမ်ထောင်စု(၁၃)စုအတွက် ဆန်ရိက္ခာဖိုးထောက်ပံ့ငွေကျပ် (၁၁၃၄၀ဝိ/-)နှင့် ကာဘော်လစ်ဆပ်ပြာ (၁၃)တောင့်တို့အား ရေဘေးသင့်ပြည်သူများ လက်၀ယ်သို့အရောက် ကွင်းဆင်းထောက်ပံ့ပေးအပ်ခဲ့ကြောင်း သိရသည်။
#MyanmarNationalPost
No comments:
Post a Comment