ချောင်းဆုံ၊ ဇူလိုင် ၁၂
မွန်ပြည်နယ်၊ ချောင်းဆုံမြို့နယ်တွင် ပန်းခင်းစီမံချက်(၃)ဖြင့် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ချောင်းဆုံမြို့နယ်ဦးစီးမှူးရုံးမှ အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြား ဆောင်ရွက်ပေးလျက်ရှိရာ ဇူလိုင်လ(၁၂)ရက်နေ့က မုဒွန်း(အ.ထ.က)ကျောင်းတွင် ဒေသခံများနှင့် ကျောင်းသား/သူများအား နိုင်ငံသားစိစစ်ရေးကတ်ပြားများ ကွင်းဆင်းဆောင်ရွက်ပေးခဲ့ပြီး လက်ဝယ်အရောက် ပြန်လည်ပေးအပ်ခဲ့ကြောင်း သိရသည်။
ထိုသို့ ကွင်းဆင်းဆောင်ရွက်ရာတွင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ချောင်းဆုံမြို့နယ်ဦးစီးမှူးရုံး ဦးစီးအရာရှိဦးသန့်ရှင်းရွှေနှင့်ဝန်ထမ်းများမှ အသက်(၁၀)နှစ်ပြည့်ပြီးသူ နိုင်(၃)က ကျား(၃၃)ဦးနှင့်မ(၁၈)ဦး စုစုပေါင်း(၅၁)ဦးတို့အား နိုင်ငံသားစိစစ်ရေးကတ်ပြားများ ချက်ချင်းပြုလုပ်ပေးခဲ့ကြပြီး တာဝန်ရှိသူများမှ ကျောင်းသား/သူများနှင့် ပြည်သူများ လက်ဝယ်အရောက် ပြန်လည်ပေးအပ်ခဲ့ကြောင်းနှင့် ကျန်ရှိသည့်ကျေးရွာများတွင်လည်း ဆက်လက်ကွင်းဆင်း ဆောင်ရွက်ပေးသွားမည်ဖြစ်ကြောင်း သိရသည်။
ကိုကျော်(ချောင်းဆုံ)
Join - https://t.me/MyanmarNationalPost
No comments:
Post a Comment