ငါးသိုင်းချောင်း ၊ ဇူလိုင် ၁၃
ဧရာဝတီတိုင်းဒေသကြီး ၊ ငါးသိုင်းချောင်း မြို့တွင် သဘာဝဘေး(ရေဘေး) အန္တရာယ် ကြိုတင် ကာကွယ်ရေး လုပ်ငန်းညှိနှိုင်းအစည်းအဝေးကို ငါးသိုင်းချောင်း မြို့၊မြို့အထွေထွေအုပ်ချုပ်ရေးဦးစီးဌာနအစည်းအဝေးခန်းမ၌ယနေ့နံနက်(၁၀)နာရီ အချိန်က ကျင်းပပြုလုပ်ခဲ့သည်။
အခမ်းအနားတွင် ဧရာဝတီတိုင်းဒေသကြီးအစိုးရအဖွဲ့ သယံဇာတရေးရာဝန်ကြီးဌာန၊သယံဇာတဝန်ကြီး ဦးအုန်းမြင့်က ငါးသိုင်းချောင်း မြို့အတွင်းရှိရေကြီးနိုင်သည့် နေရာများကိုမဖြစ်ခင်က ကြိုတင်ပြင်ဆင်ဆောင်ရွက်ထားကြရန်လိုကြောင်း၊ တာဘောင်များခိုင်ခံ့မှုရှိစေရေးအတွက်အမြဲစစ်ဆေးဆောင်ရွက်ထားကြရန်၊ရေကင်းများချထားပြီး(၂)နာရီ လျှင်တစ်ကြိမ် အထက်အဆင့်ဆင့်သို့သတင်းပေးပို့ဆောင်ရွက်ကြရန်ဌာနဆိုင်ရာများမှရပ်ကွက်၊ကျေးရွာအုပ်ချုပ်ရေးမှူးများနှင့် ချိတ်ဆက်ဆောင်ရွက်ပြီး ကြိုတင်ကာကွယ်ရေးလုပ်ငန်းများကို အချိန်နှင့်တစ်ပြေးညီ ဆောင်ရွက်ကြရန် မှာကြားဆွေးနွေးပြီး တာဝန်ရှိသူများတင်ပြချက်များအပေါ် လိုအပ်သည်များကို ပေါင်းစပ်ညှိနှိုင်းဆောင်ရွက် ပေးခဲ့သည်။
အစည်းအဝေးသို့ ဧရာဝတီတိုင်းဒေသကြီး အစိုးရအဖွဲ့၊ သယံဇာတရေးရာဝန်ကြီးဌာန၊ သယံဇာတဝန်ကြီး ဦးအုန်းမြင့်နှင့်တာဝန်ရှိသူများ၊ ရေကြည်မြို့နယ်အုပ်ချုပ်ရေးမှူး ဦးသန်းချစ်အေးနှင့်မြို့နယ်အဆင့် ဌာနဆိုင်ရာအကြီးအကဲများ၊ မြို့အုပ်ချုပ်ရေးမှူးဦးရဲထက်အောင်နှင့် မြို့ရေဘေးကြိုတင်ကာကွယ်ရေး ကြီးကြပ်မှုကော်မတီဝင်များ တက်ရောက်ခဲ့ကြကြောင်း သိရှိရသည်။
Join - https://t.me/MyanmarNationalPost
No comments:
Post a Comment