ပခုက္ကူ၊ ဇူလိုင် ၉
မကွေးတိုင်းဒေသကြီး၊ ပခုက္ကူမြို့နယ်တွင် မိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့နံနက် ၆ နာရီခွဲ တိုင်းထွာချက်အရ ဧရာဝတီမြစ်ရေသည် ၂၁၁၇ စင်တီမီတာသို့ရောက်ရှိနေပြီး ပခုက္ကူမြို့ စိုးရိမ်ရေမှတ် ၂၁၅၀ စင်တီမီတာသို့နီးကပ်နေပြီဖြစ်ကြောင်း ခရိုင်မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရသည်။
ပခုက္ကူမြို့ စိုးရိမ်ရေမှတ် ၂၁၅၀ စင်တီမီတာသို့ တဖြည်းဖြည်းမြင့်တက်လျက်ရှိကြောင်း၊ ဧရာဝတီမြစ်ရေမှတ် စိုးရိမ်ရေမှတ်ရောက်ရှိရန် ၃၃စင်တီမီတာ သာလိုတော့ကြောင်း၊ ပခုက္ကူမြို့တွင် ဧရာဝတီမြစ်ရေမှတ် တိုင်းထွာခြင်းလုပ်ငန်းအား တစ်ရက်လျှင်သုံးကြိမ်ခန့်ဆောင်ရွက်လျက်ရှိပြီး မြစ်ကမ်းဘေးနေပြည်သူများ ရေဘေးအန္တရာယ်နှင့်ပတ်သက်၍ အသိ၊သတိရှိစေရေးအတွက် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မိုးလေဝသနှင့်ဇလဗေဒညွှန်ကြားမှုဦးစီးဌာနတို့ပူးပေါင်းကာ ဧရာဝတီမြစ်ရေကြီးမှုအခြေအနေ၊ ရေကျမှုအခြေအနေများအား နေ့စဉ်သတင်းထုတ်ပြန်ပေးလျက်ရှိကြောင်း သိရသည်။
ဘာမီသာ(ပခုက္ကူ)
Join - https://t.me/MyanmarNationalPost
No comments:
Post a Comment