ရန်ကုန် ၊ ဇူလိုင် ၁၅
ရန်ကုန်တိုင်းဒေသကြီး၊ ကမာရွတ်ခရိုင်၊ ကမာရွတ်မြို့နယ်တွင် မြန်မာနိုင်ငံကြက်ခြေနီအသင်း၊ ကမာရွတ်ခရိုင် ကြက်ခြေနီကြီးကြပ်မှုကော်မတီနှင့် အ-ထ-က(၃)ကမာရွတ်ကျောင်း ကြက်ခြေနီအသင်းခွဲငယ်တို့မှ ပူးပေါင်းဖွင့်လှစ်သည့် ရှေးဦးပြုစုခြင်း(အခြေခံ)သင်တန်း အမှတ်စဥ်(၁/၂၀၂၄)သင်တန်းဆင်းပွဲကို ယမန်နေ့ ညနေ ၃ နာရီအချိန်က အမှတ်(၃) အခြေခံပညာအထက်တန်းကျောင်းခန်းမ၌ ကျင်းပခဲ့ကြောင်း သိရသည်။
ရှေးဦးစွာ ရန်ကုန်တိုင်းဒေသကြီး ကြက်ခြေနီကြီးကြပ်မှုကော်မတီဥက္ကဋ္ဌ ဒေါက်တာဇော်ဌေးက သင်တန်းဆင်းအဖွင့်အမှာစကားပြောကြားပြီး၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်(၂)ဦးစိုးရန်နိုင်မှလည်း မုဒိတာစကားပြောကြားခဲ့သည်။
ဆက်လက်၍ သင်တန်းတွင် ထူးချွန်ဆုရရှိသူ ကျောင်းသား၊ ကျောင်းသူများကို တာဝန်ရှိသူများမှ ဆုများအသီသီးချီးမြှင့်ပေးခြင်းနှင့် သင်တန်းဆင်းဂုဏ်ပြုလက်မှတ်များကို ပေးအပ်ခဲ့ပြီး ကျောင်းအုပ်ကြီးမှ ကျေးဇူးတင်စကားပြောကြားခဲ့ပါသည်။
အဆိုပါသင်တန်းတွင် ကျောင်းသား၊ ကျောင်းသူများအား ကြက်ခြေနီအကြောင်းသိကောင်းစရာ၊ ရှေးဦးပြုစုခြင်းဆိုင်ရာ အခြေခံသဘောတရားများ လူနာဆန်းစစ်ခြင်း၊ စိတ်ပိုင်းဆိုင်ရာရှေးဦးပြုစုခြင်း၊ အပူလောင်ခြင်းနှင့် အရည်ပူလောင်ခြင်း၊ အဆိပ်မိခြင်း၊ အရိုးကျိုးခြင်း၊ အဆစ်လွဲခြင်း၊ ကြွက်သားနှင့် အရိုးဆစ်ဒဏ်ရာ၊ သတ္တဝါများကိုက်ခြင်း တုတ်ခြင်း၊ အခြေခံအသက်ကယ်အထောက်ကူပြုနည်း၊ ကိုင်တွယ်ခြင်းနှင့် သယ်ဆောင်နည်းများကို စာတွေ့လက်တွေ့ သင်ကြားပို့ချပေးခဲ့ကြောင်း သိရသည်။
အဆိုပါသင်တန်းကို ဇူလိုင် ၁၂ ရက်နေ့မှ ၁၄ ရက်နေ့ထိနေ့စဥ်မနက် ၉ နာရီမှ ၄ နာရီခွဲအချိန်ထိ သင်ကြားပို့ချပေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment