ရွှေတောင်မြို့နယ်တွင် ဧရာဝတီမြစ်ရေ ၈၆.၉‌ ပေ ကျဆင်းခဲ့သဖြင့် ယာယီရေဘေးစခန်းမှအိမ်ထောင်စုများ မူလနေအိမ်များသို့ ထပ်မံပြောင်းရွေ့

ရွှေတောင်  ၊  ဇူလိုင်- ၃၀

ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ်အတွင်း ဧရာဝတီမြစ်ရေဝင်ရောက်မှုကြောင့် ယာယီရေဘေးစခန်းသို့ ပြောင်းရွေ့နေထိုင်လျက်ရှိသည့်အိမ်ထောင်စုများ ဧရာဝတီမြစ်ရေ ၈၆.၉ ပေသို့ ထပ်မံ ကျဆင်းခဲ့သဖြင့် အိမ်ထောင်စုများ မူလ နေအိမ်များသို့ ပြန်လည်ပြောင်းရွေ့နေထိုင်လျက်ရှိကြောင်းသိရသည်။

        ဧရာဝတီမြစ်ရေ ထပ်မံကျဆင်းခဲ့သဖြင့် ရပ်ကွက် (၃)ရပ်ကွက် နှင့်ကျေးရွာအုပ်စု( ၈)အုပ်စု  အိမ်ထောင်စု အချို့ရှိ  အိမ်ခြေ (၃၄၁ ) ၊အိမ်ထောင်စု ( ၃၄၆)စု ၊လူဦးရေ( ၁၁၈၄) ဦးတို့အား ၎င်းတို့၏ မူလနေထိုင်ခဲ့သည့် နေအိမ်များသို့ ပြန်လည်ပြောင်းရွေ့နိုင်ရေးအတွက် ရွှေတောင်မြို့နယ်စီမံအုပ်ချုပ်ရေးအဖွဲ့ဥက္ကဌဦးဟံဝင်းအောင်၏ ကြီးကြပ်မှုဖြင့် သက်ဆိုင်ရာ ရပ်ကွက်နှင့် ကျေးရွာအုပ်စုအုပ်ချုပ်ရေးမှူးများမှ ကူညီဆောင်ရွက်ပေးလျက်ရှိသည်။

      ရွှေတောင်မြို့နယ်အတွင်း ဧရာဝတီမြစ်ရေဝင်ရောက်မှုကြောင့် ပြောင်းရွေ့ရန်အိမ်ခြေ( ၁၉၉) အိမ်၊အိမ်ထောင်စု ( ၂၀၅)စု၊လူဦးရေ (၇၅၉)ဦးကျန်ရှိသေးကြောင်း မြို့နယ်သဘာဝဘေးစီမံခန့်ခွဲမှုအဖွဲ့ထံမှ သိရသည်။

ကိုကိုမင်း 

https://t.me/MyanmarNationalPost