ပေါင်၊ ဇူလိုင် ၃၀
မွန်ပြည်နယ်၊ ပေါင်မြို့နယ်၌ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ရေဘေးရှောင်ပြည်သူများနှင့် လေပြင်းတိုက်ခတ်မှုကြောင့်အမိုးလန်ပျက်စီးခဲ့သူများအား ထောက်ပံ့ပေးအပ်ပွဲကို ဇူလိုင်လ (၂၉)ရက် ညနေ့( ၄း၃ဝ )နာရီက အထွေထွေအုပ်ချုပ်ရေးဦးစီးဌာနရုံးအစည်းအဝေးခန်းမ၌ပြုလုပ်ခဲ့သည်။
အဆိုပါ ထောက်ပံ့ပေးအပ်ခြင်းကို ပေါင်မြို့နယ်ဘေးအန္တရာယ်ဆိုင်ရာစီမံခန့်ခွဲမှု ဦးစီးဌာနမှ ဇွန်လ(၂၆) ရက်နေ့တွင်ဖြစ်ပွားခဲ့သော လေပြင်းဘေးတိုက်ခတ်မှုကြောင့်အမိုးလန်ပျက်စီးခဲ့သော ကတွန်ကျေးရွာ၊ ဇင်းကျိုက်ရပ်ကွက်၊ ကျွဲခြံကျေးရွာ အုပ်စု ဘူတာရုံကျေးရွာတို့မှ တစ်စိတ်တစ်ပိုင်း ပျက်စီးခဲ့သည့် လူနေအိမ် (၅)လုံးအတွက် အိမ်ဆောက်ပစ္စည်းဖိုးငွေကျပ် (၂၅၀,၀၀၀)၊ လူဦးရေ (၂၁)ယောက်အတွက် (၇)ရက်စာ ဆန်ရိက္ခာဖိုးငွေကျပ် (၄၄၁၀၀)၊ စုစုပေါင်း ( ၂၉၄၁၀၀) ကျပ်၊ လက်ပံကျွန်းကျေးရွာအုပ်စု၊ ကုလားစုကျေးရွာတွင် ကမ်းပြိုဘေးကြောင့် ကြိုတင်ဖျက်သိမ်းပြောင်းရွေ့ခဲ့ရသည့် အိမ်ထောင်စု(၉)စု၊ လူနေအိမ်(၉)လုံးအတွက် အိမ်ဆောက်ပစ္စည်းဖိုးငွေကျပ် (၉၀၀,၀၀၀)၊ လူဦးရေ (၃၀)ဦး အတွက် (၇)ရက်စာဆန်ရိက္ခာဖိုးငွေ (၆၃၀၀၀)ကျပ်၊ စုစုပေါင်း (၉၆၃၀၀၀)ကျပ် ၊ စုစုပေါင်းချုပ် (၁၂၅၇၁၀၀)ကျပ် အား ဇူလိုင်လ(၂၉)ရက်နေ့တွင် ဘေးသင့်ပြည်သူများနှင့် သက်ဆိုင်ရာ ရပ်ကွက်/ကျေးရွာမှ တာဝန်ရှိသူများထံ ထောက်ပံ့ပေးအပ်ခဲ့ကြောင်းသိရသည်။
မွန်မလေး
#MyanmarNationalPost
No comments:
Post a Comment