ရွှေတောင် ၊ ဇူလိုင် ၂၆
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ်တွင် ဧရာဝတီမြစ်ရေမြင့်တက်မှုကြောင့် ရွှေတောင်မြို့မစျေးအတွင်း ရေဝင်ရောက်ရှိ၍ ခေတ္တယာယီ စျေးရွေ့ထားရှိခဲ့ပြီး ခေတ္တယာယီ ပြောင်းရွေ့စျေးသည်များ မြို့မစည်ပင်သာယာစျေးသို့ မူလနေရာများတွင် ပြန်လည်ရောင်းချလျက်ရှိသည်။
ရွှေတောင်မြို့နယ် ၊ ကြာနီကန်ရပ်ကွက်၊ ကူကြီးလမ်းသို့ ခေတ္တယာယီ ပြောင်းရွေ့ရောင်းချလျက်ရှိသည့် ဟင်းသီးဟင်းရွက်ဆိုင်များ၊ကုန်စုံဆိုင်များ၊ အသား/ ငါးဆိုင်များ၊ ပန်းဆိုင်များစသည့် စျေးဆိုင်ပေါင်း ( ၂၅၀) ဆိုင်အား ဧရာဝတီမြစ်ရေပြန်လည်ကျဆင်းခဲ့သဖြင့် ၄င်းတို့၏မူလရောင်းချခဲ့သည့် ယွန်းတန်းရပ်ကွက်၊ မြို့မစည်ပင်သာယာစျေး စျေးသည်များ၏မူလနေရာများတွင် ပြန်လည်ရောင်းချလျက်ရှိကြောင်းသိရသည်။
အဆိုပါ ပြန်လည်ရောင်းချရာသို့ မြို့နယ်စီမံအုပ်ချုပ်ရေးအဖွဲ့ဥက္ကဌဦးဟံဝင်းအောင်၏ကြီးကြပ်မှုဖြင့် မြို့နယ် စည်ပင်သာယာရေးအဖွဲ့ အမှုဆောင်အရာရှိ ဦးခင်ဇော်နှင့် ဝန်ထမ်းများက စနစ်တကျ ပြောင်းရွေ့နိုင်ရေး စီစဥ်ဆောင်ရွက်ပေးလျက်ရှိကြောင်း မြို့နယ်စည်ပင်သာယာရေးအဖွဲ့ရုံးမှသိရသည်။
ကိုကိုမင်း
https://t.me/MyanmarNationalPost
No comments:
Post a Comment