ဖြူး၊ ဇူလိုင် ၃၀
ပဲခူးတိုင်းဒေသကြီး၊ တောင်ငူခရိုင်၊ ဖြူးမြိုနယ်၊ အမှတ်(၁) အခြေခံပညာအထက်တန်းကျောင်းရှိ ကျောင်းသား/ကျောင်းသူများအား လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ မြိုနယ်ဦးစီးမှူးရုံးမှဝန်ထမ်းများက ပန်းခင်းစီမံချက်(၃) အစီအစဉ်ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြားပြုလုပ်ပေးခြင်းကို ယမန်နေ့နံနက်(၁၀)နာရီအချိန်မှစတင်ကာ အဆိုပါကျောင်း ရာပြည့်ခန်းမတွင် ကွင်းဆင်းဆောင်ရွက်ပေးခဲ့ကြောင်း သိရသည်။
ထို့နောက် “လူမှုဘဝပြည့်စုံဖို့ နိုင်ငံသားကတ်ပြားကိုင်ကြစို့”ဆောင်ပုဒ်နှင့်အညီ ပန်းခင်းစီမံချက်(၃)ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြား ဆောင်ရွက်ပေးရာတွင် အကျုံးဝင်သော ကျောင်းသား(၅၈)ဦး၊ ကျောင်းသူ(၈၄)ဦး၊ စုစုပေါင်း (၁၄၂)ဦးအား လိုအပ်သည့်အချက်အလက်များအား ဖြည့်စွက်ဆောင်ရွက်ပေးခဲ့ကြောင်း မြို့နယ်ဦးစီးမှူးဦးမြင့်သိန်းထံမှ သိရသည်။
နေမျိုးလွင်
#MyanmarNationalPost
No comments:
Post a Comment