ဂွ ၊ ဇူလိုင် ၁၃
ရခိုင်ပြည်နယ်၊ သံတွဲခရိုင် ၊ ဂွမြို့နယ်တွင် မြို့နယ်ဌာနဆိုင်ရာများက မြို့သန့်ရှင်းသာယာလှပရေးအတွက် အပတ်စဉ် စနေနေ့တိုင်း စုပေါင်းသန့်ရှင်းဆောင်ရွက်လျက်ရှိရာ ယနေ့နံနက်(၇)နာရီအချိန်၌
မြို့နယ်ပြည်သူ့ဆေးရုံဝန်းအတွင်း ဆောင်ရွက်ခဲ့ကြသည်။
ထိုသို့စုပေါင်းသန့်ရှင်းရေး ဆောင်ရွက်ရာတွင်မြို့နယ်စီမံ အုပ်ချုပ်ရေးအဖွဲ့ဥက္ကဋ္ဌ ဦးဇာနည်ကျော်နှင့် စီမံအုပ်ချုပ်ရေးအဖွဲ့ဝင်များက အနီးကပ်ကြီးကြပ်၍မြို့နယ်အဆင့်ဌာနဆိုင်ရာဝန်ထမ်းများ၊ မြို့နယ်ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များစုပေါင်း၍ မြို့နယ်ပြည်သူ့ဆေးရုံဝန်းအတွင်းရှိ သစ်ပင်၊ခြုံနွယ်များ ခုတ်ထွင် ရှင်းလင်းခြင်း ၊ ပေါင်းမြက်များရှင်းလင်းခြင်းများကို စုပေါင်း ဆောင်ရွက် ခဲ့ကြပြီး ထွက်ရှိလာသော အမှိုက်များအား စနစ်တကျစွန့်ပစ်ခဲ့ကြကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment