ညောင်ဦး၊ ဇူလိုင် ၉
မန္တလေးတိုင်းဒေသကြီး၊ ညောင်ဦးမြို့နယ်တွင် မိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့နံနက် ၁၀ နာရီအချိန် တိုင်းထွာချက်အရ ဧရာဝတီမြစ်ရေမှတ်သည် ၂၁၁၀ စင်တီမီတာသို့ရောက်ရှိနေပြီး ညောင်ဦးမြို့ စိုးရိမ်ရေမှတ် ၂၁၂၀ စင်တီမီတာသို့ ရောက်ရှိရန် ၁၀ စင်တီမီတာသာလိုတော့ကြောင်း ညောင်ဦးခရိုင်/မြို့နယ်စီမံအုပ်ချုပ်ရေးအဖွဲ့တာဝန်ရှိသူများထံက သိရသည်။
ညောင်ဦးမြို့နယ်တွင် ဧရာဝတီမြစ်ရေမြင့်တက်နေမှုများကို ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မိုးလေဝသနှင့်ဇလဗေဒညွှန်ကြားမှုဦးစီးဌာနတို့ ပူးပေါင်းကာ ဧရာဝတီမြစ်ရေကြီးမှုအခြေအနေ၊ မြစ်ရေကျမှုအခြေအနေများအား နေ့စဉ်သတင်း ထုတ်ပြန်ပေးနေပြီး၊ ယနေ့ ဇူလိုင် ၉ ရက်နေ့နံနက် ၇ နာရီခွဲအချိန်က ညောင်ဦးခရိုင် စီမံအုပ်ချုပ်ရေးအဖွဲ့ဥက္ကဋ္ဌ ဦးစောထွန်းဝင်းနှင့်ခရိုင်စီမံအဖွဲ့ဝင်များ၊ ညောင်ဦးမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးနန်းတင့်နှင့်စီမံအဖွဲ့ဝင်များ၊ ခရိုင်မီးသတ်ဦးစီးမှူး ဦးသက်နိုင်၊ ညောင်ဦးမြို့နယ် ဒုတိယမီးသတ်ဦးစီးမှူး ဦးရဲမင်းထွန်းနှင့် သန္ဓေ/အရန်ဝန်ထမ်းများက မြစ်ကမ်းနားတစ်လျှောက်ရေဝင်မှုအခြေအနေများ၊ ရေဝင်ရောက်မှုကြောင့် ရေဘေး ရှောင်စခန်းသို့ပြောင်းရွေ့သယ်ဆောင်နေမှုများနှင့် မြစ်ရေဝင်ရောက်လာ၍ ပြောင်းရွေ့နိုင်ရေးတို့အား ကြည့်ရှုစစ်ဆေးခြင်းနှင့် မြစ်ကမ်းဘေးရေဝင်ရောက်သည့် ရပ်ကွက်များရှိ ပြည်သူများအား Speed Boat နှင့် လှည့်လည်၍ မြစ်ရေကြီးမှု အခြေအနေအား Hand Speaker ဖြင့် လိုက်လံနှိုးဆော်ခဲ့ကြောင်း သိရသည်။
ဒီပါလင်း
Join - https://t.me/MyanmarNationalPost
No comments:
Post a Comment