ဘားအံ၊ ဇူလိုင် ၂၇
ကရင်ပြည်နယ်၊ ဘားအံမြို့တွင် မိုးသည်းထန်စွာရွာသွန်း၍ သံလွင်မြစ်ရေသည် စိုးရိမ်ရေအမှတ် ၇၅၀ စင်တီမီတာထက်ကျော်လွန်ပြီး မြစ်ရေလျှံတက်မှုဖြစ်ပွား၍ မိုးသည်းထန်စွာရွာသွန်းမှုကြောင့် နေအိမ်များရေနစ်မြုပ်မှု ဖြစ်ပွားလျက်ရှိကြောင်း သိရသည်။
အဆိုပါရေဘေးသင့်နေရာမှ ပြည်သူများအား ရေဘေးကယ်ဆယ်ရေးစခန်းများဖြစ်သည့် မိုးလုံလေလုံအားကစားရုံ၊ ကြားတောရဘုန်းကြီးကျောင်း၊ အ-ထ-က(၁)မြကြေးမုံဆောင်၊ ရွှေယဉ်မျှော်ဘုရား၊ အစ္စလာမ်ပရဟိတကျောင်း၊ အ-ထ-က(၃)အားကစားခန်းမ၊ အ-ထ-က(ခွဲ-၃)ကျောင်း၊ အ-မ-က(၇)နှင့် ပြည်နယ်ကမ္မဌာန်းကျောင်းနေရာများသို့ ပြောင်းရွှေ့နေရာချထားလျက်ရှိကာ ကရင်ပြည်နယ်အစိုးရအဖွဲ့၊ လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနနှင့် ဒေသခံတိုင်းရင်းသားများများမှ ဆန်၊ ဆီနှင့် ခေါက်ဆွဲခြောက်များ ထောက်ပံ့ပေးအပ်လျက်ရှိကြောင်း သိရသည်။
ဘားအံမြို့နယ်တွင် ဇူလိုင်လ(၂၇)ရက်နေ့အထိ ယာယီရေဘေးကယ်ဆယ်ရေးစခန်း(၉)ခု ဖွင့်လှစ်ထားရှိပြီး အိမ်ထောင်စု(၁၁၃၄)စု၊ ကျား(၂၅၄၄)ဦး၊ မ(၂၇၆၉)ဦး စုစုပေါင်းလူဦးရေ(၅၃၁၃)ဦး ယာယီရေဘေးကယ်ဆယ်ရေးစခန်းများတွင် ပြောင်းရွှေ့နေထိုင်လျက်ရှိကြောင်း သိရှိရသည်။
#MyanmarNationalPost
No comments:
Post a Comment