ပေါင်၊ ဇူလိုင် ၁၀
မွန်ပြည်နယ်၊ပေါင်မြို့နယ်၌ အာဇာနည်နေ့ အထိမ်းအမှတ် ဟောပြောပွဲ၊နံရံကပ်စာစောင်ပြသ ခြင်းကိုယနေ့ မွန်းလွဲ ( ၂ )နာရီက ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ Community centre ခန်းမ၌ကျင်းပပြုလုပ်ခဲ့သည်။
ရှေးဦးစွာ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်တင်ဇာစိုး က အာဇာနည်နေ့ ဖြစ်ပေါ်လာပုံအကြောင်းကို အကျယ်တဝင့်ရှင်းလင်းပြောကြားခဲ့သည်။ထို့ပြင်ကျောင်းစာကိုကြိုးစားကြသလို ဗဟုသုတတိုးပွားရေးအတွက် ပြင်ပစာပေများကိုပါ လေ့လာဖတ်ရှုကြခြင်းဖြင့် အသိပညာဗဟုသုတများတိုးပွားလာမည်ဖြစ်ကြောင်း ဟောပြောဆွေးနွေးပြီး ကျောင်းသား၊ ကျောင်းသူများက စာဖတ်စွမ်းရည်၊ ပုံပြင်ပြော၊ ကဗျာရွတ်ဆိုခြင်းတို့ကို ယှဉ်ပြိုင်ခဲ့ကြသည်။
ဆက်လက်၍ အမက (လွန်)ကဒါကမ်းနား ကျောင်းဆရာမ က အာဇာနည်နေ့ အတွက် ပုံပြင်ပြော၊ကဗျာရွတ်၊စာဖတ်စွမ်းရည်ပြိုင်ပွဲများနှင့် ဟောပြောပွဲများကိုပြုလုပ်ပေးသည့် ဌာန ကို ကျေးဇူးတင်စကားပြောကြားခဲ့သည်။ထို့နောက် ကျောင်းသား၊ ကျောင်းသူများက သိလိုသည်များကို အပြန်အလှန်မေးမြန်းခဲ့ပြီး အာဇာနည်နေ့ နှင့်ပတ်သတ်သည့် နံရံကပ်စာစောင်များကိုကြည့်ရှု့ခဲ့ကြောင်းသိရသည်။
မွန်မလေး
Join - https://t.me/MyanmarNationalPost
No comments:
Post a Comment