ရွှေတောင် ၊ ဇူလိုင် ၁၆
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ်အတွင်း ဧရာဝတီမြစ်ရေသည် ဆက်လက်မြင့်တက်လျက်ရှိရာအခြေခံပညာ စာသင်ကျောင်းအချို့ခေတ္တ ယာယီပိတ်ထားရကြောင်းသိရသည်။
ရွှေတောင်မြို့နယ်အတွင်း ( ၂၀၂၄- ၂၀၂၅) ပညာသင်နှစ် အတွင်း မြေနိမ့်ပိုင်းနေရာများဖြစ် သည့် ရပ်ကွက် / ကျေးရွာအုပ်စုများရှိ အထက်တန်းကျောင်း ( ၄) ကျောင်း၊အလယ်တန်းကျောင်း ( ၃)ကျောင်း၊မူလတန်း ကျောင်း ( ၂၀) ကျောင်း စုစုပေါင်း ( ၂၇)ကျောင်းတို့တွင် ဧရာဝတီ မြစ်ရေဝင်ရောက်ခဲ့ပြီး မြို့နယ်ပညာရေးမှူးမှ အနီးကပ်ကြီးကြပ်၍ ကျောင်းအုပ်ဆရာကြီး၊ဆရာမကြီးများနှင့် ဆရာ/ ဆရာမ များအား အရေးကြီး စာရွက်စာတမ်းများ၊ ပရိဘောဂများအားရေလွှတ်ရာ နေရာနှင့်အမြင့်သို့ ပြောင်းရွေ့ထားနိုင်ရေးတို့အား ပေါင်းစပ် ဆောင်ရွက် ခဲ့သည်။
အဆိုပါ ဧရာဝတီမြစ်ရေမြင့်တက်မှုကြောင့် ကျောင်းပေါင်း ( ၂၇) ကျောင်းရှိ ကျောင်းသား၊ကျောင်းသူ ဦးရေ (၂၆၁၈)ဦးနှင့် ဆရာ ၊ဆရာမ( ၂၂၇) ဦး ခေတ္တ ယာယီ ကျောင်းများပိတ်ထားကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment