ရန်ကုန် ၊ ဇူလိုင် ၁
သန်လျင်ခရိုင်၊ သန်လျင်မြို့နယ်၊ သနပ္ပင်ကျေးရွာတောင်သူဦးကြာဝင်း၏ လယ်မြေတွင် မိုးစပါးမျိုးစေ့ချကိရိယာ(SEEDER)ဖြင့် ကွင်းသရုပ်ပြပွဲကို ယမန်နေ့မွန်းလွဲ(၂)နာရီက ကျင်းပသည်။
အစီအစဉ်အရ ယာယီရှင်းလင်းဆောင်၌ စိုက်ပျိုးရေးဦးစီးဌာနမှ ခရိုင်မန်နေဂျာဒေါ်ခင်ခင်ပြုံးက မိုးစပါးပန်းတိုင်အထွက်နှုန်းတိုးတက်စေရေး တောင်သူများလိုက်နာဆောင်ရွက်ရမည့်အချက်များနှင့် ပံ့ပိုးကူညီပေးသွားမည့်အစီအစဉ်များအားလည်းကောင်း၊ စက်မှုလယ်ယာဦးစီးဌာနမှဦးစီးအရာရှိဦးဌေးက မိုးစပါးမျိုးစေ့ချကိရိယာ(SEEDER)အသုံးပြုပုံနည်းစနစ်များအား ရှင်းလင်းဆွေးနွေးသည်။ ထို့နောက် တောင်သူများ၏ သိရှိလိုသည်များအား မြို့နယ်စိုက်ပျိုးရေးဦးစီးဌာန မြို့နယ်မန်နေဂျာဦးကျော်စိုးဝင်းက ရှင်းလင်းဖြေကြားပေးသည်။
ယင်းနောက် မိုးစပါးမျိုးစေ့ချကိရိယာ(SEEDER)ဖြင့် ကွင်းသရုပ်ပြသကြရာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးစိုးတင့်နှင့်အဖွဲ့ဝင်များ၊ ဌာနဆိုင်ရာများ၊ ဒေသခံတောင်သူများက ကြည့်ရှုအားပေးခဲ့ကြောင်း သိရသည်။
ဖြိုးသီဟ
https://t.me/MyanmarNationalPost
No comments:
Post a Comment