ပေါင်ဝဲ ၊ ဩဂုတ် ၉
မကွေးတိုင်းဒေသကြီး၊ အောင်လံခရိုင်၊ ဆင်ပေါင်ဝဲမြို့နယ် စည်ပင်လှစံပြကျေးရွာတွင် မကွေးတိုင်းဒေသကြီးဝန်ကြီးချုပ်မှ ရွေးချယ်ပေးထားသော အတွင်းတိမ်ကင်းစင်ပပျောက်ရေးစီမံချက်ရွာသို့ ယမန်နေ့ နံနက် ၇ နာရီအချိန်က အဆိုပါကျေးရွာ ဘုန်းတော်ကြီးကျောင်း၌ ဆောင်ရွက်ခဲ့ကြသည်။
ထိုသို့ ကွင်းဆင်းဆောင်ရွက်ရာတွင် တိုင်းဒေသကြီး ပြည်သူ့ကျန်းမာရေးဦးစီးဌာနမှ ကျန်းမာရေးမှူး ဒေါ်အေးဝင်းဝင်းခိုင်တို့အဖွဲ့နှင့် မြို့နယ်ကျန်းမာရေးဦးစီးဌာန အဖွဲ့များ ပူးပေါင်း၍ စည်ပင်လှစံပြကျေးရွာနေ အတွင်းတိမ်လူနာ (၁၅၀) ဦးအား ရှာဖွေဖော်ထုတ်စစ်ဆေးခြင်းများ ဆောင်ရွက်ပေးခဲ့ပြီး အတွင်းတိမ်တွေ့ရှိသူ လူနာ (၂၃)ဦးအား မကွေးတိုင်းဒေသကြီးကုသရေးဦးစီးဌာနနှင့်ချိတ်ဆက်၍ အခမဲ့ ဆေးကုသပေးခြင်းကို ဆောင်ရွက်ပေးမည်ဖြစ်ကြောင်း သိရသည်။
ဆင်ပေါင်ဝဲမြို့နယ် စည်ပင်လှစံပြကျေးရွာတွင် အတွင်းတိမ်နှင့် မျက်စိရောဂါအခမဲ့စမ်းသပ်စစ်ဆေးရာသို့ မြို့နယ်ကျန်းမာရေးဦးစီးဌာနမှူး ဒေါက်တာမွန်စိုးရီနှင့် ဝန်ထမ်းများက ကိုဗစ်-၁၉ ရောဂါကာကွယ်ဆေး ထိုးနှံပေးခြင်း၊ သွေးတိုး၊ ဆီးချိုနှလုံးရောဂါများ စမ်းသပ်စစ်ဆေးကုသပေးခြင်းများ ဆောင်ရွက်ခဲ့ကြကြောင်း သိရသည်။
ခန့်ဝင်း(ဆင်ပေါင်ဝဲ)
https://t.me/MyanmarNationalPost
No comments:
Post a Comment