မိုင်းဖြတ်၊ သြဂုတ် ၂၅
ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်တွင် သြဂုတ်လ ၂၄ ရက်က မိုးအဆက်မပြတ်ရွာသွန်းမှုကြောင့် နမ့်ပန်ကျေးရွာအုပ်စု၊ မိုင်းဝီးစေတီ - နမ့်ဖက်ကျေးရွာချင်းဆက်လမ်းပေါ်ရှိ Box Culvert ၁စင်း ပျက်စီးဆုံးရှုံးမှုဖြစ်ပွားကြောင်း သိရသည်။
ဖြစ်စဉ်မှာ သြဂုတ်လ ၂၄ ရက် ညနေပိုင်းက မိုးအဆက်မပြတ်ရွာသွန်းခြင်းကြောင့် နမ့်ဖက်ချောင်းရေတိုက်စားပြီး ၂၀၂၃-၂၀၂၄ ဘဏ္ဍာရေးနှစ်၊ နယ်စပ်ဒေသဖွံဖြိုးရေး၊ ပြည်နယ်ဘဏ္ဍာရန်ပုံငွေ (၁၃.၉၆၁)သန်းဖြင့်ဆောင်ရွက်သည့် ၁၀ပေ Box Culvert တံတား ၁ စင်း ပျက်စီးဆုံးရှုံးမှုဖြစ်ပွားကြောင်း သိရသည်။ အဆိုပါတံတားပျက်စီးမှုကြောင့် တာဝန်ရှိသူများ၏ ကြီးကြပ်မှုဖြင့် ကျေးရွာနေပြည်သူများ ဖြတ်သန်းသွားလာနိုင်ရေးအတွက် ယာယီဝါးတံတား ဆောင်ရွက်ထားရှိကြောင်း သိရသည်။
Join - https://t.me/MyanmarNationalPost
No comments:
Post a Comment