မန္တလေး ၊ ဩဂုတ် ၁၂
မန္တလေး၊ ချမ်းအေးသာစံမြို့နယ်၊ လမ်း (၈၀) ပေါ်ရှိ ယူနန်ဗုဒ္ဓဘာသာဘုရားကျောင်း ဂေါပကအဖွဲ့က ဦးစီး၍ တရုတ်နိုင်ငံကုန်သည်ကြီးများအသင်း (မန္တလေး)နှင့် တရုတ်ကုန်သည်ကြီးများအသင်း (အထက်မြန်မာပြည်)တို့က ဧကဒသမအကြိမ်မြောက် (စတုတ္ထပတ်) စုပေါင်းဘုံဆွမ်း လောင်းလှူပွဲကို ယနေ့ နံနက် ၆ နာရီက လောင်းလှူကြသည်။
ထိုသို့ ဘုံဆွမ်းလောင်းလှူပွဲတွင် ငွေတောင်ကျောင်းတိုက်၊ ကင်းဝန်မင်းကြီးကျောင်းတိုက်၊ ယဉ်ပုံကျောင်းတိုက်နှင့် အကောက်ဝန်ကျောင်းတိုက်တို့မှ သံဃာတော်အရှင်သူမြတ်အပါး (၂၅၀) တို့အား ပင့်ဖိတ်၍ ဆွမ်း၊ ဆွမ်းဟင်းများ၊ လှူဖွယ်ပစ္စည်းများနှင့် နဝကမ္မဝတ္ထုငွေများ ဆက်ကပ်လောင်းလှူကြကြောင်း သိရသည်။
မြင့်မော်ထွန်း
https://t.me/MyanmarNationalPost
No comments:
Post a Comment