ရန်ကုန်၊ သြဂုတ် ၃
လားရှိုးမြို့၊ ကုတင် ၁၀၀ ဆေးရုံ၌ အပြစ်မဲ့အရပ်သား မြို့ခံပြည်သူရာပေါင်းများစွာ ဆေးဝါးကုသမှုခံယူနေစဉ် MNDAA ကိုးကန့်လက်နက်ကိုင်အဖွဲ့နှင့် ယူနန်-တရုတ် လက်နက်ကိုင်များမှ အကြမ်းဖက် စီးနင်းဝင်ရောက်ပြီး ဆရာဝန်၊ သူနာပြု၊ ဆေးဝါးကုသမှုခံယူနေသော အပြစ်မဲ့ အရပ်သားပြည်သူများစွာကို လူသားမဆန်စွာ သတ်ဖြတ်သွားခဲ့သည့်အပြင် ပြည်သူများကို ဓားစာခံအဖြစ် ဖမ်းဆီးခေါ်ဆောင်သွားခြင်းများ လုပ်ဆောင်ခဲ့သည့်အပေါ် ကနေဒါရောက် ကယားပြည်နယ်တိုင်းရင်းသားများအစည်းအရုံးမှ ပြင်းထန်စွာ ကန့်ကွက်ရှုတ်ချကြောင်း ၃-၈-၂၀၂၄ ရက်စွဲဖြင့် ထုတ်ပြန်ထားသည်။
အဆိုပါ MNDAA ကိုးကန့်လက်နက်ကိုင်အဖွဲ့နှင့် ယူနန်-တရုတ် လက်နက်ကိုင်များမှ အကြမ်းဖက် စီးနင်းဝင်ရောက်ပြီး ဆရာဝန်၊ သူနာပြု၊ ဆေးဝါးကုသမှုခံယူနေသော အပြစ်မဲ့ အရပ်သားပြည်သူများစွာကို လူသားမဆန်စွာ သတ်ဖြတ်သွားခဲ့သည့်အပြင် ပြည်သူများကို ဓားစာခံအဖြစ် ဖမ်းဆီးခေါ်ဆောင်သွားခြင်းများ လုပ်ဆောင်ခဲ့သည့်အပေါ် ပြင်းထန်စွာ ကန့်ကွက်ရှုတ်ချကြောင်း ကြေညာချက်ကို နိုင်ငံတကာအဖွဲ့အစည်းများ သံရုံးများသို့လည်း ဖြန့်ဝေထားသည်။
ကနေဒါရောက် ကယားပြည်နယ်တိုင်းရင်းသားများအစည်းအရုံး ၏ ထုတ်ပြန်ချက်တွင် လူသားမဆန်စွာ အကြမ်းဖက်သတ်ဖြတ်ခံခဲ့ရသော အပြစ်မဲ့အရပ်သား မြန်မာနိုင်ငံသားမိသားစုများနှင့်အတူ ထပ်တူဝမ်းနည်းကြေကွဲရကြောင်း၊ အကြမ်းဖက်အဖွဲ့များ၏ လူသားမဆန်သည့် အကြမ်းဖက်လုပ်ရပ်အား ပြင်းထန်စွာ ကန့်ကွက်ရှုတ်ချကြောင်း ထုတ်ပြန်ထားသည်။
#MyanmarNationalPost
No comments:
Post a Comment