မိုင်းဖြတ်၊ စက်တင်ဘာ ၁၁
ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်တွင် ယမန်နေ့က မိုးအဆက်မပြတ်ရွာသွန်းခြင်းကြောင်း ရေကြီးရေလျှံမှုများဖြစ်ပွားကာ ကျေးရွာအချို့တွင် ရေများဝင်ရောက်၍ လယ်ယာမြေများနစ်မြုပ်ခြင်း၊ ပြည်ထောင်စုလမ်းမပေါ်တွင် ရေလျှံမှုများဖြစ်ပွားလျက်ရှိကြောင်း သိရသည်။
ထိုသို့ မိုးများအဆက်မပြတ်ရွာသွန်းခြင်းကြောင်း မြို့နယ်အတွင်းရှိ နမ့်လုံချောင်း၊ နားလီချောင်း၊ မယ်ဟုတ်ချောင်းတို့တွင် ရေကြီးလျှံမှုများဖြစ်ပေါ်ခဲ့ပြီး ချောင်းများအနီးရှိ ဝမ်နောင်၊ နားလီ၊ နမ့်ကုန်း၊ နန်းခမ်းတောင်ကျေးရွာများနှင့် ကျေးရွာအချို့တို့တွင် လူနေအိမ်များအတွင်းသို့ ရေများဝင်ရောက်ခြင်း၊ လယ်ယာမြေများ ရေဖုံးလွှမ်းခြင်းတို့ ဖြစ်ပေါ်ခဲ့ကြောင်း သိရသည်။
အလားတူ ရေကြီးရေလျှံမှုများကြောင့် ကျိုင်းတုံ-မိုင်းဖြတ်-တာချီလိတ်သွား ပြည်ထောင်ထောင်စုဘေးရှိ နမ့်လုံချောင်းရေလျှံမှုများကြောင့် မိုင်တိုင်အမှတ် (၇၁၉)အနီး ကားလမ်းပေါ် ရေလျှံမှုဖြစ်ပွားပြီး ယာဥ်များသွားလာမှုမရရှိသည့်အပြင် အဆိုပါလမ်းတစ်လျှောက် ကားလမ်းအနိမ့်ပိုင်းများတွင်လည်း ရေကျော်မှုများဖြစ်ပွားလျက်ရှိကြောင်း သိရသည်။
Join - https://t.me/MyanmarNationalPost
No comments:
Post a Comment