ရွှေတောင် ၊ စက်တင်ဘာ ၇
ပဲခူးတိုင်းဒေသကြီး၊ပြည်ခရိုင်၊ ရွှေတောင်မြို့နယ်တွင် မြို့နယ်ပြည်သူ့ကျန်းမာရေးဦးစီးဌာနမှူး ဒေါက်တာအောင်မျိုးသန့်၏ ကြီးကြပ်မှုဖြင့်အမှတ်(၁) အထည်စက်ရုံတွင် ယမန်နေ့ နံနက်ပိုင်းက ပြင်းထန်ဝမ်းပျက်ဝမ်းလျှောရောဂါ၊ Mpox (မျောက်ကျောက်) ရောဂါ၊ ဆေးလိပ်နှင့် ဆေးရွက်ကြီး အန္တရာယ်၊ သွေးတိုး၊ ဆီးချို၊ နှလုံးရောဂါများ ကာကွယ်ရေးနှင့် ပတ်သက်၍ ကျန်းမာရေးအသိပညာပေး ဟောပြောပွဲကို မြို့နယ်ပြည်သူ့ကျန်းမာရေးဉီးစီးဌာနကဆောင်ရွက်ခဲ့သည်။
အဆိုပါအခမ်းအနားတွင် မြို့နယ်လက်ထောက်ဆရာဝန် ဒေါက်တာထက်ကျော်လင်းက ပြင်းထန်ဝမ်းပျက်ဝမ်းလျှောရောဂါနှင့် Mpox မျောက်ကျောက်ရောဂါအကြောင်း၊ အမျိုးသမီးကျန်းမာရေးဆရာမ ဒေါ်ကေသီက ဆေးလိပ်နှင့် ဆေးရွက်ကြီး အန္တရာယ်၊ သွေးတိုး၊ ဆီးချို၊ နှလုံးရောဂါများနှင့် စပ်လျဉ်း၍ ကြိုတင်ကာကွယ်ရေးနည်းလမ်းများအား ကျန်းမာရေးအသိပညာပေးဟောပြောခဲ့ရာ တတ်ရောက်လာသည့် စက်ရုံတာဝန်ရှိသူများ၊ ဝန်ထမ်းအလုပ်သမားများက သိရှိလိုသည်များကို ပြန်လည်မေးမြန်းကာ မြို့နယ်ပြည်သူ့ကျန်းမာရေးဉီးစီးဌာန တာဝန်ရှိသူများက ပြန်လည်ဖြေကြားပေးခဲ့ကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment